Пулишич: "Мавсум бошланишини интизорлик билан кутмоқдаман"

Америкалик Кристиан Пулишич Англия чемпионатининг 2021/22 йилги мавсумини интизорлик билан кутаётганини маълум қилди. Унинг айтишича, "Челси" ўйинчилари яхши жисмоний ҳолатда ва мавсумга деярли тайёр.

"Мавсум бошланишини интизорлик билан кутмоқдаман. Бу йил мен "Челси"нинг мавсумолди йиғинида илк бор тўлиқ тартибда қатнашдим. Мавсум олдидан яхши формага кириб олишга имконият бўлди. Жамоа шай ҳолатда деб ўйлайман. Ҳозир бор эътиборимизни мавсумолди йиғиннинг якуний қисмига қаратишимиз лозим", – деди Пулишич.

Эслатиб ўтамиз, Англия Премьер-лигасининг янги кампанияси 13 августда старт олади.