Latest news

11:10"Қалдирғочлар" қаршисида "чақилмас ёнғоқ": "Қизилқум" – "Бунёдкор" учрашувини кўриш учун 7 та сабаб  0 10:50"Манчестер Юнайтед"га 21 ёшли футболчи керак  1 10:25Родригонинг вакиллари Англияда  4 10:1025 август куни ЎФФ раҳбарияти иштирокида брифинг бўлиб ўтади  0 09:52Луис Энрике: "Танқидларни тўғри тушунаман"  0 09:37Суперлига. Бугунги учрашувларни кимлар шархлайди?  10 09:24Кунде: "Рекордни янгиламоқчиман"  0 08:57"Ювентус" Артурни ижарага беради  1 08:27Sofascore. Кечаги учрашувда Шомуродов ва Файзуллаев неча баҳога лойиқ кўрилди?  11 08:00Конференциялар лигаси саралаши. "Истанбул Башакшеҳир" - "Крайова" 1:2  3 07:56Суперлига. Бугун бизни яна иккита учрашув кутиб турибди  12 07:35Суперлига. "Нефтчи" йирик ҳисобда ғалаба қозонди, "Бухоро" – "Қўқон-1912" баҳсида эса ўйин тақдирини битта гол ҳал қилди  1 07:30Расман. "Ювентус" футболчиси АПЛга кўчиб ўтди  0 01:52Конференциялар лигаси саралаши. "Кристал Пэлас" илк ўйинда ўз майдонида кичик ғалаба қайд этди  1 01:15"Манчестер Сити" марказий ҳимоячисини сотиб юборди  1

Пул масаласи. Антальяга бор, қарзлар учун йўқ... News

Пул масаласи. Антальяга бор, қарзлар учун йўқ...

Предраг Вуйович масаласи ёпилганидан кейин 20 февраль куни ФИФА "Андижон"дан трансфер тақиқини олиб ташлагани маълум қилинди.

Бир қарашда барчаси ҳал бўлган-у энди клуб исталган футболчини трансфер қилиши мумкин. Аммо, "Андижон" ҳамон янги футболчиларни рўйхатдан ўтказа олмаслиги мумкин. 

Чунки олдин хабар берганимиздек, клубнинг маҳаллий футболчи ва мураббийлар олдидаги қарздорлиги бартараф қилинмаган. Бизга етиб келган маълумотларга кўра, Жасур Жалолиддинов, Дониёр Усмонов, Иброҳим Отахонов, Александр Кит, Муҳаммад Исаев ва Жасур Умрзоқовлар олдида ўтган йилдан қолган қарзлар мавжуд. 

1) Жамоа вице-президенти Жаҳонгир Нуриддинов билан боғланиб, бу масалада фикр олдик: "Тўғри, "Андижон"нинг бир қатор маҳаллий футболчилар олдида қарздорлиги сақланиб турибди. Биз уларнинг 75 фоизи билан келишувга эришдик ва қарзларни ёзга қадар ойма-ой тўлаб борамиз".

Бунга аниқлик киритиш мақсадида Дониёр Усмонов ва Жасурбек Жалолиддиновдан "келишув" масаласида сўрадик. Жавоб салбий бўлди. 

2) Бундай ҳолатда "Андижон"  клуби футболчиларни ЎзПФЛ рўйхатидан ўтказиш жараёнида муаммоларга дуч келади. Клуб вице-президентига шу савол билан юзландик.

"Айни пайтда клуб учун қароргоҳ барпо қилиш, майдон ҳолатини яхшилаб, стадион ёритгичларини созлаш учун катта маблағ керак. Шу туфайли қарзларни тўлаш учун бироз муддат оламиз. ПФЛ бу масалада бизга амалий ёрдам бермоқда", — деди Нуриддинов.

Бу фикр бўйича тушунтириш беришини сўраб, ЎзПФЛ матбуот хизматига мурожаат қилдик. 

"Андижон"нинг ҳозирги раҳбарияти жамоани қийин вазиятда қабул қилиб олгани туфайли ЎзПФЛ 2021 йилда жамоага бир қатор енгилликлар яратиб берган эди.
2022 йилда ҳолат бошқачароқ. Клубнинг ЎзПФЛ олдида ҳам мажбуриятлари бор. Биз буни кечиктириб туришимиз мумкин. Аммо, бошқа қарзлар масаласи жуда мураккаб. Масалан, Футболчиларнинг ўтиши ва мақоми бўйича қўмита клубга ўйинчилар олдидаги қарзни 21 февралга қадар узиш вазифасини қўйганди. Аммо, бу масала ҳамон очиқ турибди.
Шундай ҳолатда биз қўмита қарорига қарши чиқа олмаймиз. Хуллас, "Андижон" ҳозир жуда оғир аҳволда. Вақт эса жуда кам қолди", — деди ташкилот расмийси.

Қизиқарли жиҳати, "Андижон" айни пайтда Антальяда ўқув-машғулот йиғинини ўтказяпти. Нима деб ўйлайсиз, Туркияга бориш учун сарфланган пул қарзлар учун тарқатилиши керак эмасмиди? Клуб раҳбарияти бу вазиятдан қандай чиқиб кетади? Уларга вақт етадими?

Эслатма! Трансфер ойнаси ёпилишига 4 кун вақт қолди.

Жасурбек Қосимов

Rating: +15   

Comments

championat.asia
< show latest news
Яндекс.Метрика