ПСЖ ёзда Мбаппени 400 миллион еврога сотишга тайёр бўлган

ПСЖ ёзда Килиан Мбаппени катта сумма эвазига қўйиб юборишга тайёр эди.

Аввалроқ ҳужумчи январда клубни тарк этмоқчилиги ва июлда кетишга урингани маълум бўлганди.

"Marca" хабарига кўра, ўша даврда 23 ёшли футболчининг вакиллари парижликлар раҳбарияти билан бир нечта учрашувлар ўтказишган.

ПСЖ Мбаппега уни 400 миллион еврога сотишга тайёрлигини айтди. Шу билан бирга, "Реал"га ўтиш вариантига эса рухсат этилмаган.

Мбаппеда "Ливерпул"га ўтиш имконияти бор эди, аммо турли сабабларга кўра франциялик ва унинг атрофидагилар бу вариант устида иш олиб боришмаган.