ПСЖ мавсум тугашига 3 тур қолганда Франция чемпиони бўлди!

Париж клуби кеча ўз уйида Франция чемпионати 31-тур доирасидаги "Гавр" (3:3)га қарши баҳсда дуранг ўйнади. "Монако" эса бугун "Лион" (2:3)га имкониятни бой берди.

Шундай экан, ПСЖ мавсум якунига 3 тур қолганда 70 очко жамғарди ва "Монако"дан 12 очкога ўзиб кетди, эндиликда бу фарқни йўққа чиқаришнинг иложи йўқ.

ПСЖ кетма-кет учинчи йили Франция чемпионига айланди, умумий олганда эса ўн иккинчи ғолиблик.

ПСЖ 12 чемпионлигидан 10тасини сўнгги 12 мавсумда қўлга киритган. Эслатиб ўтамиз, Қатарнинг Qatar Sports Investments инвестицион компанияси 2011 йилда француз клубини сотиб олган.

"Сент-Этьен"да 10, "Марсель"да 9, "Монако" ва "Нант"да эса 8тадан ғолиблик бор.