ПСЖ футбол тарихидаги энг йирик трансферни амалга ошириши кутилмоқда

Неймарнинг янги мавсумни "Барселона"да бошламаслик эҳтимоли мавжуд.

"Globo Esporte" нашрининг ёзишича, Неймар дўстларига ПСЖга ўтаётганлиги ҳақида айтган.
"Барселона" эса ПСЖ билан Неймарнинг трансфери бўйича музокарага киришишни ҳам режалаштирмаяпти. ПСЖ эса энди Неймарнинг шартномасида кўрсатилган 222 миллион еврони тўлаб футболчини жамоага олиб келиш имкониятига эга.

"Барселона" клуби раҳбарияти вазиятдан хабардор. Аммо улар оммага Неймарнинг кетиши мумкинлиги ҳақида изоҳ беришни исташмаяпти ҳамда буни инкор этишмоқда.

Неймарни "Барселона"ни тарк этишга ундаётган бир қатор факторлар бор.

ПСЖда Неймар "Барселона"дан кўра икки баробар кўпроқ маош олади. Иккинчидан, бразилиялик ҳужумчи "Барселона"да кераклигича таъсир кучига эга эмас.
Неймар раҳбариятдан Паулиньо ва Коутиньоларни сотиб олишларини сўраган. Лекин уларнинг ҳеч бири жамоага олиб келинмади.
Мессини соясида қолиб кетаётган Неймар шахсий соврин ютиш учун ҳам жамоасини ўзгартириши лозимлигини тушунмоқда. Шунингдек, футболчи ПСЖ билан клуб тарихида илк бор ЕЧЛда ғолиб чиқишни истамоқда.

Неймарнинг ПСЖга ўтишига ундаётган яна бир факторлардан бири яқиндагина парижликлар сафини тўлдирган - Дани Алвеш.
Бразилия ҳамда "Барселона"даги жамоадоши Неймарни ПСЖга чорламоқда.
ПСЖда Дани Алвешдан ташқари яна бир қанча бразилияликларm - Тиаго Силва, Лукас Моура ҳамда Маркиньос ўйнайди.

ПСЖ футбол тарихидаги энг йирик трансферни амалга ошириши кутилмоқда.