ПСЖ "Барселона"дан ўч олмоқчи
09 mar 2019 12:33
News

ПСЖ "Барселона"дан ўч олмоқчи

"Барселона" қишки трансфер ойнасида "Аякс" ярим ҳимоячиси Де Йонг билан келишиб олгани ПСЖга ёқмаган кўринади.

Парижликлар ҳам голландиялик иқтидор соҳиби билан битим имзолаш ниятида эди, аммо футболчи испан грандини танлади.

Ушбу келишувдан ғазабланган ПСЖ Каталония клубидан қасос олиш учун уларнинг асосий юлдузларидан бири, бироқ ҳозирги кунда захира футболчисига айланиб қолган Филиппе Коутиньони ўз томонига оғдирмоқчи. Етарли ўйин амалиётига эга бўлмаётган бразилиялик ярим ҳимоячи Париж клубининг катта маошли таклифини қабул қилиши мумкин. Футболчининг кўк-анорранглилар билан шартномаси 2023 йилнинг ёзида якунига етади. Шартномадаги товон пули эса 400 млн. еврони ташкил қилади.

Коутиньо жорий мавсум ЛаЛиганинг 24та учрашувида майдонга тушиб, 4та гол урди ва 2та голли пас берди. Футболчи ушбу баҳсларнинг 15тасини асосий таркибда бошлаган.

Link :

Source : Radio Montecarlo FM

Receive latest football news directly on your phone. Subscribe for our Telegram channel!

Rating: -27