ПРО-Лига, “В” гуруҳи. 17-турда энг кўп мухлис Зоминда

Унда мухлислар бир қатлор қизиқарли баҳсларга гувоҳ бўлди. Айни пайтда Россия давлатида нуфузи жиҳатдан дунёда биринчи ўринда турадиган жахон чемпионати ўйинлари бўлиб ўтаётганлиги сабабли ишқибозларни ПРО-Лига ўйинлари у қадар кўп қизиқтираётгани йўқ.

Аслида ПРО-Лигада ўзи шундоқ ҳам мухлислар ташрифи пасайиб кетган. Айниқса “В” гуруҳидаги учрашувларга кўпинча 500та ҳам томошабин кирмаяпти. Ваҳоланки айрим жойларда ўйинга кириш текин қилиб белгиланган. Шунга қарамай ПРО-Лига ўйинлари мухлисларда у қадар катта қизиқиш уйғота олмаяпти. Профессионал футбол лигаси раҳбарияти балки ушбу жиҳатларни ҳам инобатга олиб, камчиликлар устида иш олиб борар.

“В” гуруҳининг 4та ўйинига жами 1801 нафар томошабин ташриф буюрган! Бу эса ҳар бир учрашувга ўртача 450та мухлис демакдир.

Энг кўп ишқибоз “Зомин” – “Ифтихор” баҳсида кузатилди. Зоминда кечган учрашувни 1275 нафар томошабин бевосита стадионни ўзида кузатиб борди.
Ғиждувонда эса аксинча вазият юз берди. Боиси “Ғиждувон” – “Лабса” ўйинига атига 58 (!) нафар томошабин ташриф буюрган.

Томошабинлар ташрифи кимда қандай?  

“ЁЗЁВОН” – “ЛОКОМОТИВ-БФК” 2:1
Ёзёвон. “Марказий” стадиони. 352 томошабин.
“ҒИЖДУВОН” – “ЛАБСА” 1:1
Ғиждувон. “Наврўз” стадиони. 58 томошабин.
“ЗОМИН” – “ИФТИХОР” 1:2
Зомин. “Марказий” стадион. 1275 томошабин.
“НУРАФШОН” – “ШЕРДОР” 6:1
Тошкент вил. “Дўстлик” стадиони. 116 томошабин.