Про-лига. "Лабса" - "Локомотив-БФК“. Превью
09 jun 2018 16:03
News

Про-лига. "Лабса" - "Локомотив-БФК“. Превью

Хабарингиз бор, 11 июнь куни Ўзбекистон Про-лигаси Б гуруҳининг 14-тури учрашувлари бўлиб ўтади. Унда Бухоронинг "Лабса" жамоаси ўз майдонида пойтахтнинг "Локомотив-БФК" жамоасини қабул қилади. Ушбу учрашув борасида сизларга маълумотлар келтириб ўтамиз.

Баҳсни Фирдавс Норсафаров бошчилигидаги ҳакамлар бригадаси бошқариб боради. Унга қанотларда А.Султонов ҳамда Ж.Рустамовлар ёрдам беришади. Учрашув комиссари этиб Бахтиёр Намозов тайинланган бўлса, назоратчиликни Олег Рубаков ўз бўйнига олган.

"Локомотив-БФК" жамоаси Про-лигада ўтказилган барча учрашувларда ғалаба нашидасини сурмади. Тошкентликлар фақатгина 13-турда ўз майдонида "Ифтихор"га қарши учрашувда мавсумдаги илк очкосига эга чиқди. Қолган 11 ўйинда эса фақатгина мағлубият қайд этилган.

Биринчи даврада ўтказилган "Локомотив-БФК" - "Лабса" ўйинида Шуҳрат Жўраев шогирдлари ўзларининг Про-лигадаги илк ғалабасини нишонлашган эди. Ҳисоб - 2:1.14-турдаги баҳс мазкур жамоаларнинг ўзаро иккинчи тўқнашуви бўлади.

Эслатиб ўтамиз "Лабса" - "Локомотив-БФК" учрашуви 11 июнь куни "Вобкент" марказий ўйингоҳида бўлиб ўтади. Барчангизни ушбу жамоаларнинг қизиқарли баҳсида кутиб қоламиз.

ПФК "Лабса" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: