Про лига. Бугун Яйпанда Фарғона дербиси бўлиб ўтади

Яйпандаги "Ўзбекистон" стадионида Фарғона шаҳрининг икки клуби "Истиқлол" ва "Нефтчи" ўзаро тўқнаш келишади. Мазкур баҳс "Футбол ТВ" орқали жонли эфирда намойиш этилади.

Ўтган мавсум бу клублар Про лига доирасида 4та ўзаро ўйин ўтказишган. "Истиқлол" ҳисобида 3та ғалаба ва битта дуранг бор. Яъни "Нефтчи" бу клубни мағлуб эта олмаган.

Про лига, 2019 йил
"Истиқлол" - "Нефтчи" 3:2
"Нефтчи" - "Истиқлол" 0:1
"Истиқлол" - "Нефтчи" 1:0
"Нефтчи" - "Истиқлол" 0:0

Бу мавсум ортда қолган 4та турда "Нефтчи" 2та ғалаба, 1 дуранг ва 1 мағлубият қайд этиб, 7 очко тўплади. "Истиқлол" эса 4та ўйиндан 2тасида ғалаба қозонди ва 2тасида мағлуб бўлди. Бугунги ўйинда ғолиб бўлган клуб мусобақа жадвалида 3-ўринга чиқиб олади.



ИСТИҚЛОЛ – НЕФТЧИ
9 сентябрь 2020 йил. Яйпан. "Ўзбекистон" стадиони. 16:30 (Футбол ТВ LIVE)
Ҳакамлар: Акмал Раҳимов, Ислом Носиров, Абдухамид Абдураимов
Назоратчи: Шухрат Бозоров
Комиссар: Жамшид Имомов.