ПРО-Лига, “Б” гуруҳи. 7-турнинг энг тезкор голи ва бошқалар ҳақида

“Б” гуруҳидаги 4та учрашувда ҳам ҳудди “А” гуруҳидаги каби жами 9та гол қайд этилди. Ҳар бир ўйинга ўртача 2тадан гол демакдир. Энг тезкор гол Тошкентда кечган “Локомотив-БФК” – “Шердор” учрашувида кузатилди. Баҳснинг 2-дақиқаси ўтиб бораётганида меҳмонлар тезкор гол киритиб, ҳисобни очишга эришди. Аниқроғи, Ғолибжон Сарибоев “Локомотив-БФК” дарвозасини аниқ нишонга олди. Ушбу тезкор гол якунда самарқандликларнинг ғалабасига замин яратганини айтиш лозим.

Турнинг энг сўнгги сонияда киритилган голи ҳам айнан “Локомотив-БФК” – “Шердор” баҳсида кузатилди. 85-дақиқада Санжар Аҳмедов меҳмонларнинг учинчи голини киритди.
7-турда дублга эришган ягона футболчи – Саиджон Ашуров бўлди. “Лабса” ҳужумчиси жамоасининг “Ифтихор”га қарши ўтказган ўйинида рақиб дарвозасига иккита тўп киритиб, “Лабса”га иродали ғалабани тақдим этди.

Учрашувларнинг биринчи бўлимида 3та тўп киритилди. Иккинчи таймда эса яна 6та гол қайд этилди.

Мезбонлар томонидан киритилган голлар сони 3тани ташкил этган бўлса, қолган 6та тўп меҳмонлар ҳисобига ёзилди.

“Ёзёвон”, “Нурафшон” ва “Шердор” жамоалари ушбу турда ўз дарвозаси даҳлсизлигини сақлаб қолишга эришди.    

7-турда кимлар гол урди?
1. Зоҳид Исмоилов – “Ёзёвон”.
2. Орифхўжа Абдухолиқов – “Нурафшон”.
3. Фаррух Шотурсунов – “Нурафшон”.
4. Ғолибжон Сарибоев – “Шердор”.
5. Нурбек Олмасов – “Шердор”.
6. Санжар Аҳмедов – “Шердор”.
7.  Саиджон Ашуров  (2та)– “Лабса”.
8. Ориф Мамажонов – “Ифтихор”.