Превью. «Зомин» - «Андижон»
18 mar 2016 15:37
News
![](https://championat.asia/upload/storage/201874_original.jpg)
![](/upload/storage/201874_220.jpg)
Превью. «Зомин» - «Андижон»
Бунда Зоминнинг “Зомин” жамоаси Жиззах шаҳридаги “Суғдиёна” ўйингоҳида Олий лига иштирокчиси Андижоннинг “Андижон” жамоасини қабул қилади.
Ўзаро жамоалар илк бор тўқнаш келишмоқда.
“Андижон” жамоаси Олий лига баҳсларида 2 та турни ўтказган бўлсада, бироқ жамоа ҳозиргача ижобий натижага эриша олганича йўқ. Бунга сабаб, йил бошида жамоа таркибида сезиларли равишда ўзгариш қила олгани бўлиши мумкин. Лекин ишонамизки, Бахтиёр Ашурматов шогиртлари Олий лиганинг сўнги туригача ўзлари учун ижобий натижага эриша олади.
“Зомин” жамоаси 2012 йилдан буён Ўзбекистон Биринчилиги ва Ўзбекистон Кубогининг саралаш баҳсларида узлуксиз равишда иштирок этиб келмоқда. Жамоага янги раҳбарият тайинлангандан сўнг, зоминликлар ўз олдига Олий лигада иштирок этиш мақсадини қўйган. Шу сабабли зомин бўрилари Ўзбекистон Биринчилиги баҳсларига жиддий тайёргарлик кўришди. Жамоа мавсумга тайёргарлик кўришда уч марта йиғин ташкил қилди. Йиғинлар давомида биринчи лига ва Олий лига ўринбосарлари билан жами 10 марта ўртоқлик учрашувини ўтказишга эришди. Ўртоқлик учрашувлари давомида жамоа таркибига етарли даражада иқтидорли ёш ўйинчиларни жалб қила олди. Ўзбекистон Биринчилиги мусобақалари апрель ойида бошланишини инобатга олсак, зоминликлар учун бу расмий биринчи учрашувдир. Шундай экан, жамоанинг илк учрашуви ғалаба билан бошланади деб умид қилиб қоламиз.
Иккала жамоага омад тилаймиз.
Имкониятлар: 30/30/40
Ўзбекистон Кубоги 1/16 финал босқичи
19март (шанба) 2016 йил
«Зомин» (Зомин) – «Андижон» (Андижон). “Суғдиёна” ўйингоҳи.
Ҳакамлар:З. Қодиров (Навоий), Б. Қодиров (Бухоро), А. Қўлдашев (Бухоро), Ш. Қаюмов (Жиззах).
Назоратчи: С. Эрматов (Тошкент).
Эслатиб ўтамиз, Ўзбекистон Кубоги 1/16 финал босқичи доирасидаги учрашув соат 17-00да “Суғдиёна” ўйингоҳида бўлиб ўтади.
Акмал Рахматуллаев тайёрлади.
Similar news
![AMP Logo](https://championat.asia/image/logo-amp.png)
Comments