ПРЕВЬЮ. "Сўғдиёна" - "Навбаҳор"

«СЎҒДИЁНА» – «НАВБАҲОР»
12 сентябрь 2014 йил. Зомин. “Зомин” стадиони.
Ҳакамлар: Т.Тўхтасинов, В.Лушин, А.Маражабов, С.Сатторов
Назоратчи: А.Попов.

“Сўғдиёна” ҳамда “Навбаҳор” клублари олий лигада шу кунгача 37 бор куч синашишган. 20та ўйинда “Навбаҳор”, 12та ўйинда эса “Сўғдиёна” ғалаба қозонган. 5та ўйинда дуранг натижа қайд этилган. “Навбаҳор” ўзаро ўйинларда 68 бор рақиб дарвозасига йўл топа олган. “Сўғдиёна” эса 41  бор гол кирита олган. “Навбаҳор” ўзаро ўйинларда 65 очкони қўлга киритган бўлса, жиззахликлар ҳисобида 41 очко мавжуд. “Сўғдиёна”нинг “Навбаҳор” устидан қозонган энг йирик ғалабаси – 3:1. Наманганликларнинг энг йирик ғалабаси эса 7:0.

Биринчи даврада водийдаги баҳсда томошабинлар голлар шоусининг гувоҳига айланишганди. Мезбонлар сафида Шаҳбоз Эркинов учта гол урган, яна бир голга Абдумалик Абдуллаев муаллифлик қилганди. “Сўғдиёна”дан Илёс Қурбонов ўз ҳисобига иккита гол ёзиб қўйганди – 4:2.

“Сўғдиёна” майдонида ўтган сўнгги беш учрашув:
17.03.2013 «Сўғдиёна» - «Навбаҳор» 2:0
28.05.2011 «Сўғдиёна» - «Навбаҳор» 3:2
08.05.2009 «Сўғдиёна» - «Навбаҳор» 1:0
26.04.2008 «Сўғдиёна» - «Навбаҳор» 2:1
05.08.2006 «Сўғдиёна» - «Навбаҳор» 0:2

Ўзаро ўйинлар ҳақида факт: “Навбаҳор” бунги кунга қадар “Сўғдиёна” майдонидан 5 марта ғалаба билан қайтган. Жиззахликлар ўз майдонларида 12 бор зафар қучишган ва бир бор дуранг ўйнашган.