Превью. "Шўртан" - "Қизилқум"

«Шўртан» (Ғузор) – «Қизилқум» (Навоий)
21 октябрь 2015. Ғузор. “Шўртан” стадиони. 16:00
Ҳакамлар: Ҳ. Рўзиев (Тошкент), О. Абдувасилов (Тошкент), С. Шоюсупов (Тошкент), Д. Жалимов (Нукус)
Назоратчи: С. Нажафалиев (Тошкент).

Бу икки клубнинг йўллари олий лига ўйинларида 19 бор кесишган. Натижалар тенг. 8та ўйинда ғузорликларнинг қўли баланд келган, 8та учрашувда “Қизилқум” ғолиб бўлган. 3та баҳсда ғолиб аниқланмаган. Тўплар нисбатида кичик устунлик "Қизилқум" томонида. Навоий клуби 26та гол уриб ўз дарвозасидан 24 марта тўп олиб чиққан. Ўзаро ўинларда “Шўртан” ҳам, “Қизилқум” ҳам 27тадан очкони қўлга киритган.

“Шўртан” олий лигада “Қизилқум” устидан 3:1 ҳисобида ғалаба қозонган. Бу ўзаро ўйинлардаги ғузорликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 3:0га тенг.

Биринчи даврада "Қизилқум" ўз майдонида ғолиб бўлган. Учрашувда "Шўртан" вакили Самандар Шодмонов очганди. Бироқ шундан сўнг Баҳриддин Ваҳобов икки бор меҳмонларни ранжитган. Лазиз Убайдуллаев эса ўз дарвозасини ишғол қилиб қўйган - 3:1.

Ғузорда бўлиб ўтган сўнгги беш учрашув:
20.04.2013 «Шўртан» - «Қизилқум» 2:0
03.08.2012 «Шўртан» - «Қизилқум» 2:0
20.05.2011 «Шўртан» - «Қизилқум» 1:0
19.03.2010 «Шўртан» - «Қизилқум» 0:0
17.04.2009 «Шўртан» - «Қизилқум» 2:1

Ўзаро ўйинлар ҳақида факт: “Шўртан” ўз уйидаги 6та ўйинда зафар қучган. Икки учрашувда ғолиб аниқланмаган. “Қизилқум” сафарда бу рақибни фақат бор (2005 йил) мағлуб эта олган. “Қизилқум” охирги тўртта ўйинда сафарда "Шўртан"га гол ура олмаган.