Превью. "Шўртан" - "Пахтакор"

«Шўртан» (Ғузор) – «Пахтакор» (Тошкент)
20 июнь 2016. Ғузор. "Ғузор" стадиони. 19:00
Ҳакамлар: В. Агишев (Тошкент), А. Цапенко (Тошкент вил.), О. Жумаев (Навоий), Ш. Ражабов (Бухоро)
Назоратчи: А. Клепиков (Тошкент).
ЎзПФЛ вакили: А. Фролов.

“Шўртан” ва “Пахтакор” олий лигада 20 бора тўқнаш келишган. Натижалар тошкентликларнинг устунлигини кўрсатмоқда. “Пахтакор” 17та ўйинда ғолиб бўлган, 2та ўйин дуранг ҳисобида якунланган. “Шўртан” ушбу рақибни ҳозирга қадар фақат бир марта мағлуб эта олган. Тўплар нисбатида ҳам устунлик “Пахтакор” томонида - 54:12. Ўзаро ўйинларда “Пахтакор” 53, “Шўртан” эса 5 очкони қўлга киритган.

“Пахтакор”нинг ўзаро ўйинларда қозонган энг йирик ғалабаси – 6:0га тенг. “Шўртан”да бу кўрсаткич – 3:1.

Ўтган йил биринчи даврада Тошкентдаги баҳсда мезбонлар зафар қучишган. 4-дақиқада Игорь Таран ҳисобни очганди. Станислав Андреев пенальтидан ва Жавоҳир Соҳибовнинг урган голлари "шерлар"га иродали ғалаба келтирган - 2:1. Ғузорда эса дуранг қайд этилган. Сарвар Жўраев мезбонларни олдинга олиб чиққанди. Бунга Аднан Ораховац жавоб берганди – 1:1.

Ғузорда бўлиб ўтган сўнгги беш учрашув:
25.08.2015 «Шўртан» - «Пахтакор» 1:1
21.05.2013 «Шўртан» - «Пахтакор» 1:2
16.06.2012 «Шўртан» - «Пахтакор» 3:1
11.06.2011 «Шўртан» - «Пахтакор» 0:2
21.05.2010 «Шўртан» - «Пахтакор» 1:2

Ўзаро ўйинлар ҳақида факт: Ғузорда бўлиб ўтган 10та ўйиннинг 8тасида “шерлар” зафар қучишган. Бир марта (2012 йил) “Шўртан” ўз уйида ғолиб бўлган ва дуранг ўйнаган (2015 йил).