Превью. "Реал" - "Ювентус"

• Бир ҳафта олдин "Юве" Туринда 2:1 ҳисобида ғалаба қозонди

• Карло Анчелоттининг сўзларига кўра, Карим Бензема ўйинга 100% тайёр

• "Реал" "Сантьяго Бернабеу"даги олдинги 52та учрашувда ҳеч бўлмаса рақиб дарвозасига битта гол урган

• Икер Касильяс Чемпионлар лигасида ўзининг 150 учрашувини ўтказиши мумкин

• Туринликлар меҳмондаги 24та учрашувда бор-йўғи 12та гол ўтказиб юборган

Таҳминий таркиблар:

"Реал": Касильяс; Карвахаль, Рамос, Пепе, Марсело; Хамес Родригес, Кроос, Иско; Бейл, Бензема, Роналду.

• Ўйнамайди: Модрич (жароҳат), Хедира (жароҳат)

"Ювентус": Буффон; Лихтштайнер, Бонуччи, Кьеллини, Эвра; Погба, Пирло, Маркизио, Видаль; Мората, Тевес.

• Ўйнамайди: Асамоа (жароҳат), Касерес (жароҳат), Марроне (жароҳат), Ромуло (жароҳат)

"Реал" бош мураббийи Карло Анчелотти:

"Биз кетма-кет иккинчи марта финалда иштирок этишга яқинмиз. Бундан ташқари, ушбу турнирни кетма-кет икки марта қўлга киритган биринчи жамоага айланишимиз мумкин.

Ҳа, вазифа осон эмас, аммо буни бажариш учун бор кучимизни ишга соламиз. Совуққонликни сақлаб, ўзимизга муаммо туғдирмаслигимиз лозим. "Ювентус"нинг ўз ўйин услуби бор ва улар бундан воз кечади деб ўйламайман.

Бензема 100% тайёр ва илк дақиқалардан майдонга чиқиши мумкин. У жамоамизни янада кучлироқ қилиши мумкин, аммо Карим сўнгги учрашувларда майдонга тушгани йўқ ва бу мени ҳавотирга соляпти. Рамосга келадиган бўлсак, у яна ярим ҳимояда ўйнаши мумкин.

Бу ўйин жуда муҳим эканлигини хатто мухлислар ҳам ҳис қилиб турибди ва эртага тунда бир тану-жон бўлишимиз керак. Асосийси аҳмоқона хатоларга йўл қўймай, ўз имкониятларимиздан унумли фойдаланишимиз керак".

"Ювентус" бош мураббийи Массимилиано Аллегри:

"Ҳимоядаги ўйинни ўзгартирмаймиз. Бу учрашув жуда томошабоп бўлади. Биринчи ўйинга нисбатан катта ўзгартиришлар қилмаймиз. Совуққонликни сақлашимиз керак. Бу бизга яхшироқ ўйнаш учун керак бўлади. Ўйин голларсиз якунланиши жуда қийин. Бундай даражадаги баҳсларда ўйнасанг, фақат ҳимоя ҳақида ўйлай олмайсан. Биз иложи борича кўпроқ тўпга эгалик қилишимиз керак.

Берлинда 90 дақиқа узоқликда турибмиз. Ҳеч ким биздан бундай натижани кутмаган. Бугун ухлайман, аммо эртага ухлай олмасам керак.

Поль Погбанинг аҳволи яхши ва эртага асосий таркибда майдонга чиқиши мумкин. Карлос Тевес бу мавсум яхши ўйнаяпти ва Чемпионлар лигасида бир нечта муҳим голларга муаллифлик қилди.

Альваро Мората ўсяпти. Мавсум бошида бир ой жароҳатини даволади, аммо кейинроқ ҳужумчи ўз кучини кўрсатиб қўйди. Ўйлашимча, у ўсишда давом этади.

Бу Чемпионлар лигаси ярим финали ва маъсулият юкини хис қилямиз. Жамоамизни ноодатий ўйин кутиб турибди. Бу босқчигача етиб келганимиздан жуда хурсандман. Эртага керакли натижага эришиб, финал йўлланмасини қўлга киритамиз деб ўйлайман.

Статистика - бу шунчаки статистика. Биз эса 90 дақиқа ўйнашимиз керак. Мадридликлар ғалаба қозонишни истяпти, аммо улар эҳтиёткорлик билан ҳаракат қилишади. Биз ўз ўйинимизда ҳеч нарсани ўзгартирмаймиз. Рақиб бошланғич таркибида доимо 5 нафар ҳужумкор ўйинчи бўлади, шу сабаб хатосиз ўйнашимиз лозим".

Жамоаларнинг сўнгги учрашувлари:

"Реал" - "Валенсия" 2:2 (Пепе 56, Иско 84; Алькасер 19, Фуэго 26)

"Ювентус" - "Кальяри" 1:1 (Погба 45; Россеттини 85)