Превью. "Қизилқум" - "Сўғдиёна"

«Қизилқум» (Навоий) – «Сўғдиёна» (Жиззах)
21 июнь. Навоий. “Ёшлар” спорт мажмуаси. 19:30
Ҳакамлар: М. Исмоилов (Тошкент), Ж. Саидов (Тошкент), Ҳ. Шодмонов (Бухоро), Н. Қосимов (Қарши)
Назоратчи: А. Арутюнов (Тошкент).

Ушбу жамоалар шу кунга қадар ўзаро 20 марта куч синашишган. Натижалар “Қизилқум”нинг устунлигини кўрсатмоқда. Навоийликлар 20 баҳснинг 11тасида ғалаба қозонишган. Тўртта учрашувда томонлар муроса кўчасини танлашган ва 5та ўйинда “Сўғдиёна”нинг қўли баланд келган. Тўплар нисбати ҳам “Қизилқум” фойдасига 24:15. Ўзаро ўинларда “Қизилқум”  37 очони қўлга киритган бўлса, “Сўғдиёна” бўлса фақатгина 19 очколик бўлган.

“Қизилқум”нинг “Сўғдиёна” устидан қозонган энг йирик ғалабаси – 3:0. “Сўғдиёна”нинг  “Қизилқум”устидан қозонган энг йирик ғалабаси эса –2:0 ни ташкил этади.

Ўтган мавсумда “Қизилқум” ўз уйида 3:1 ҳисобида муваффақият қозонган. Олим Навкаров ва Алишер Саматов меҳмонларни ранжитишган, Асил Бегимқулов ўз дарвозасига тўп киритиб қўйган. Сўнгги голни Хуршид Йўлдошев “Қизилқум” дарвозасига урган. Зоминда ташкил этилган баҳсда “Сўғдиёна” вакиллари учта гол уришган. Ренат Байрамов ва Мурод Тошматов меҳмонлар дарвозасига, Элёр Орипов эса ўз дарвозасига тўп киритган – 2:1.

“Қизилқум” майдонида ўтган сўнгги беш учрашув:
20.06.2013  “Қизилқум” – “Сўғдиёна”  3:1
22.10.2011  “Қизилқум” – “Сўғдиёна”  0:0
20.06.2009  “Қизилқум” – “Сўғдиёна”  3:0
27.09.2008  “Қизилқум” – “Сўғдиёна”  1:0
13.05.2006  “Қизилқум” – “Сўғдиёна”  2:1

Ўзаро ўйинлар ҳақида факт: “Қизилқум” уйида бўлиб ўтган баҳсларда “Сўғдиёна” умуман ғалаба қозона олмаган. 7та учрашувда “Қизилқум” ғалаба қозонган, қолган 3та ўйинда дуранг қайд этилган.