Превью. "Қизилқум" - "Пахтакор"

«Қизилқум» (Навоий) – «Пахтакор» (Тошкент)
12 апрель 2015. Навоий. "Ёшлар" стадиони. 17:30
Ҳакамлар: А.Асимов, М.Саидқосимов (Тошкент), А.Снетков, Д.Жалимов.
Назоратчи: Ғ.Каримов (Тошкент).
 
“Пахтакор” ва “Қизилқум” олий лигада 30 бора тўқнаш келишган. Натижалар “Пахтакор”нинг катта устунлигини кўрсатмоқда. “Шерлар” ўзаро ўйинларда 25 марта ғалаба қозонишган. 4та баҳсда дуранг қайд этилган. “Қизилқум” фақат 1 марта “Пахтакор”ни таслим қила олган. Тўплар нисбатида ҳам устунлик “шерлар”да 83:17. “Пахтакор” ўзаро ўйинларда 79 очкога эга бўлган, “Қизилқум” ўз ҳисобига 7 очко ёзиб қўя олган. Тошкент клубининг “Қизилқум” устидан қозонган энг йирик ғалабаси 11:0га тенг бўлса, “Қизилқум”да бу кўрсаткич 2:1га тенг.

2014 йил Тошкентдаги учрашувда битта гол урилган. “Шерлар” сардори Кахи Махарадзенинг киритган тўпи уч очко келтирган – 1:0. Навоийда эса томошабинлар 5та гол гувоҳи бўлишган. Майдон эгалари ҳужумчиси Наврўз Алимов ҳисобни очганди. Бунга Кахи Махарадзе (2та), Владимир Козак ва Шерзод Каримов жавоб беришганди – 1:4.

“Қизилқум” майдонида ўтган сўнгги беш учрашув:
15.08.2014 «Қизилқум» - «Пахтакор» 1:4
27.05.2013 «Қизилқум» - «Пахтакор» 0:1
03.09.2012 «Қизилқум» - «Пахтакор» 0:4
05.11.2011 «Қизилқум» - «Пахтакор» 0:3
31.07.2010 «Қизилқум» - «Пахтакор» 0:1

Ўзаро ўйинлар ҳақида факт: “Қизилқум” ўз майдонида ушбу рақибни умуман мағлуб эта олмаган. Бўлиб ўтган 15та ўйиннинг 13тасида “шерлар” зафар қучишган. 2та баҳсда эса дуранг қайд этилган. Сўнгги бор “Қизилқум” ўз уйида 2002 йил мағлуб бўлмаган.