Превью. "Қизилқум" - "Олмалиқ"

«Қизилқум» (Навоий) – «Олмалиқ» (Олмалиқ)
19 сентябрь 2015. Навоий. "Сўғдиёна" стадиони. 18:00
Ҳакамлар: Д. Пислегин (Тошкент), Х. Шодмонов (Бухоро), Н. Рўзимов (Тошкент), К. Расулов (Қарши)
Назоратчи: И. Мустафин (Тошкент).

“Олмалиқ” ва “Қизилқум” олий лигада 15 марта тўқнаш келишган. Ушбу ўйинлардан 8тасида олмалиқликлар ғолиб бўлишган. 2та ўйин дуранг ҳисобида якунланган, “Қизилқум” ҳисобида 5та ғалаба мавжуд.

“Олмалиқ” шу кунгача ўзаро ўйинларда “Қизилқум” дарвозасига 27та тўп киритган, навоийликлар эса “Олмалиқ” дарвозасига 20та гол уришган. “Олмалиқ”  ўзаро ўйинларда 26 очко ишлаб олган бўлса, “Қизилқум” 17 очкони қўлга кирита олган. “Олмалиқ”нинг олий лигада “Қизилқум” устидан эришган энг йирик ғалабаси 5:1 ни ташкил қилади. “Қизилқум”нинг йирик ғалабаси эса 4:2.
 
Биринчи даврада Олмалиқда ташкил этилган учрашувда мезбонлар Камолиддин Мурзоев ва Жаҳонгир Абдумўминов томонидан киритилган тўплар эвазига ғолиб бўлишганди – 2:0.

“Қизилқум” майдонида ўтган сўнгги беш учрашув:
12.09.2014 «Қизилқум» - «Олмалиқ» 3:2
03.11.2013 «Қизилқум» - «Олмалиқ» 4:2
06.10.2012 «Қизилқум» - «Олмалиқ» 2:1
27.06.2011 «Қизилқум» - «Олмалиқ» 3:3
22.05.2010 «Қизилқум» - «Олмалиқ» 1:0

Ўзаро ўйинлар ҳақида факт: “Қизилқум” ўз уйида ўтган 7та ўйиннинг 5тасида ғолиб бўлган. 2009 йил бўлиб ўтган ўйинда “Олмалиқ” сафарда ғалабага эриша олган. Яна битта учрашувда дуранг қайд этилган. Сўнгги уч йилда “Қизилқум” ўз майдонида бу рақибни фақат мағлуб этган.