Превью. Қатар - Сурия
10 oct 2016 14:40
News
Айни пайтда гуруҳда энг пастки икки поғонани эгаллаб турган жамоалар Дохада тўқнаш келишади.
Қатар дастлабки учта ўйиннинг барчасида мағлуб бўлди. Илк турда Эрон меҳмони бўлиб 0:2 ҳисобида ютқазди. Кейин ўз майдонида Ўзбекистонга 0:1 ҳисобида мағлуб бўлди. Сўнгги турда Жанубий Корея билан баҳсда 2:3 ҳисоби қайд этилди.
Сурия биринчи турда Тошкентда Ўзбекистонга мағлуб бўлди - 0:1. Иккинчи турда Жанубий Корея билан дуранг қайд этди - 0:0. Ўтган турда Хитой меҳмони бўлган сурияликлар 1:0 ҳисобида ғалаба қозонишди.
Қатар ва Сурия шу кунга қадар 9 марта тўқнаш келишган.
4та ўйинда Қатар, 2та ўйинда Сурия ғолиб бўлган. 3та учрашув дуранг ҳисоби билан якунланган.
Сўнгги бор бу икки жамоа 2009 йилда ўртоқлик учрашувида ўйнашган. Сурияда ўтган мазкур баҳсда Қатар 2:1 ҳисобида зафар қучган.
Қатар - Сурия
11 октябрь 2016. Доха. "Жассим Бин Ҳамад" стадиони. 21:00 (Тошкент вақти)
Ҳакамлар: Аҳмад Бакар Ал Каф, Абу Бакар Ал Амри, Рашид Ҳамид Али Гаитхи (барчаси Уммон)
Similar news
![AMP Logo](https://championat.asia/image/logo-amp.png)
Comments