Превью. "Персеполис" - "Пахтакор"

"Пахтакор" ушбу рақиб билан ОЧЛда 4 марта майдонга тушиб, 2 ғалаба, 1 дуранг ва мағлубият қайд этган. 2003 йил Анвар Солиевнинг ягона голи ғалаба келтирган бўлса, 2019 йил гуруҳ босқичида Теҳронда 1:1 (Марат Бикмаев) ва Тошкентда 1:0 (Игорь Сергеев) натижаси кузатилган. 2020 йил чорак финалда рақиб 2:0 ҳисобида зафар қучган.

"Персеполис" Эроннинг энг совриндор клуби саналади. Теҳронликлар 16 марта Эрон чемпионати, 7 бор Эрон Кубоги ва 5 бор Эрон Суперкубогини қўлга киритган. Охирги 8 мавсумдан 7тасида айнан ушбу клуб Эрон чемпионлигини қўлга киритиб, ўзининг яққол гегемон эканини исботлаб келмоқда. Жамоани испаниялик Хуан Карлос Гарридо бошқариб келмоқда.

"Персеполис" сафида ўзбекистонлик ярим ҳимоячи Остон Ўрунов фаолият олиб бормоқда. Ҳар иккала жамоа сафида иккитадан йўқотиш мавжуд. Эрон клуби таркибида Муртазо Пуралиганжи ва Омид Алишаҳ жароҳат туфайли майдонга туша олишмайди. "Пахтакор" сафида эса Иброҳим Ибрагимов ва Дониёр Абдуманнопов жароҳат олишган.

"Персеполис" ва "Пахтакор" жамоалари ўртасидаги ўйин 30 сентябрь, душанба куни Тошкент вақти билан соат 21:00да Қудсдаги "Шаҳри Қудс" стадионида бошланади. Учрашув "Foreign Language" канали орқали намойиш этилади.

Элит Осиё чемпионлар лигаси, 2-тур
"Персеполис" - "Пахтакор"
30 сентябрь 2024 йил. Қудс, "Шаҳри Қудс" стадиони. 21:00 (Тошкент вақти)
Бош ҳакам: Абдуллоҳ Жамоли (Кувайт)
Қанот ҳакамлари: Али Жрақ ва Сауд Ал Шемали (иккаласи Кувайт)
Захира ҳаками: Ҳуссайн Або Яҳё (Ливан)
ВАР: Абдуллоҳ Ал Кандари (Кувайт)
АВАР: Ҳошим Ал Иброҳим (Кувайт).

Persepolis

AFC Champions League Elite West . Round 2 30/09/2024, 21:00 - : - Not started

Pakhtakor Tashkent

Open in Match Center