ПРЕВЬЮ. "Пахтакор" - "Бухоро"
29 oct 2014 08:05
News

ПРЕВЬЮ. "Пахтакор" - "Бухоро"

Бугун 21-турнинг қолдирилган учрашувида "Пахтакор" "Бухоро"ни қабул қилади.

Мазкур учрашувда ғалаба қозонган тақдирда "Пахтакор" 10-бор Ўзбекистон чемпионлигини қўлга киритиш имкониятига эга бўлади. Чунки "Локомотив" билан ўзаро ўйинлардаги устунлик туфайли яна бир ютуқ олий лигадаги муваффақият учун етарли бўлади. Шу сабабли беллашув "Пахтакор" учун катта аҳамиятга эга. Ўз навбатида бухороликлар лигада қолиш учун кураш олиб боришмоқда. Улар мавсум охиридаги ҳар бир баҳсда очко тўплаш учун ҳаракат қилишади.

Жамоалар олий лига тарихида 43 бор тўқнаш келган. "Пахтакор" ҳисобида 30, "Бухоро" ҳисобида 6 ғалаба мавжуд. 7 учрашувда дуранг натижа қайд этилган. Жамоамиз 93 бор тўп киритган бўлса, рақиблар 31 гол уришган. Тошкентдаги 21 ўйиннинг 19тасида "Пахтакор" зафар қучган. Бир мартадан дуранг ва рақиб ғалабаси кузатилган. Бухороликлар охирги марта Тошкентда 1996 йил очкога эга чиқишган. Ўшанда "Бухоро" сафардаги ягона ғалабасини нишонлаган. Ундан кейин ўтказилган 16 учрашувнинг барчасида "шерлар" устун келган.

"ПАХТАКОР" - "БУХОРО"
Ҳакамлар: Дмитрий Пислегин (Тошкент), Файзулло Ҳасанов (Наманган), Мўмин Мажидов (Наманган), Вилоят Нажафалиев (Тошкент).
Назоратчи: Игорь Нехочин (Наманган).

Link :

Source : pakhtakor.uz

Receive latest football news directly on your phone. Subscribe for our Telegram channel!

Rating: