ПРЕВЬЮ. «ОЛМАЛИҚ» – «ГУЛИСТОН»

«ОЛМАЛИҚ» – «ГУЛИСТОН»
29 октябрь. Олмалиқ. “Металлург” стадиони. 15:15
Ҳакамлар: Ш.Қосимов, О.Абдувасилов, Н.Рўзимов, Р.Толибжонов
Назоратчи: И.Нехочин.

Биринчи давранинг 3-турида бўлиб ўтган ўйинда томонлар гол ура олишмаганди – 0:0. 

“Олмалиқ” бу йилги мавсумда ҳозирга қадар 10 марта рақибларни таслим қилди. 6та баҳсда рақиблар билан муроса кўчаси танланди. Қолган 7та учрашувда имконият бой берилди. 36 очко жамғарган Игорь Шквирин шогирдлари айни пайтда 5-ўринда боришмоқда.

“Гулистон” 23та ўйинда 6та ғалабага эришди. 2та ўйинда дуранг қайд этди ва 15 бор мағлубият аламини тотиб кўрди. Бахтиёр Ашурматов шогирдлари 20 очко билан мусобақа жадвалининг 12-поғонасида боришмоқда.

“Олмалиқ” ўз майдонида ўтказган 11та ўйиннинг 8тасини ютган, бир бор дуранг ўйнаган ва 2 марта мағлуб бўлган. “Гулистон”нинг сафардаги ўйинларда қайд этган натижалари қуйидагича: 1 ғалаба, 1 дуранг ва 10 мағлубият.

“Олмалиқ” сафида энг кўп голни Зафар Полвонов урган – 10та. “Гулистон” тўпурари Мўйдин Мамазулумов. Иккинчи давра бошида “Олмалиқ”дан “Гулистон”га ўтган ҳужумчи 7та гол урди.