Превью. "Нефтчи" - "Пахтакор"

«НЕФТЧИ» – «ПАХТАКОР»
23 март. Фарғона. “Қиргули” стадиони. 16:00
Ҳакамлар: М.Исмоилов, Р.Серазитдинов, Р.Шояҳметов, В.Агишев.
Назоратчи: И.Нехочин.

Бу икки буюк клубнинг йўллари олий лига ўйинларида 44 бор кесишган. Кичик устунлик “Пахтакор” томонида. 20та ўйинда тошкентликларнинг қўли баланд келган бўлса, 17та учрашувда “Нефтчи” ғолиб бўлган. 7та учрашувда ғолиб аниқланмаган. Тўплар нисбати ҳам “Пахтакор” фойдасига. Тошкент клуби шу кунга қадар ўзаро ўйинларда 73та гол киритиб ўз дарвозасидан 59 марта тўп олиб чиққан. Ўзаро ўинларда “Пахтакор” 67 очкони, “Нефтчи” эса 58 очкони қўлга киритган.

“Пахтакор” олий лигада “Нефтчи” устидан 6:1 ҳисобида ғалаба қозонган. Бу ўзаро ўйинлардаги “шерлар”нинг энг йирик ҳисобидаги ғалабаси. “Нефтчи”нинг ўзаро ўйинлардаги “Пахтакор” устидан эришган энг йирик ғалабаси эса 4:0 бўлиб турибди.

Ўтган йил иккала учрашувда ҳам “шерлар” зафар қучишган. Тошкентдаги баҳс тақдирини Даврон Ҳошимовнинг узоқ масофадан урган голи ҳал қилганди – 1:0. Фарғонада ташкил этилган учрашувда Игорь Сергеев, Ойбек Қиличев ва Дилшод Шарофетдинов майдон эгаларини ранжитишган – 0:3.

Фарғонада бўлиб ўтган сўнгги беш учрашув:
29.10.2013 «Нефтчи» - «Пахтакор» 0:3
11.06.2012 «Нефтчи» - «Пахтакор» 3:1
22.10.2011 «Нефтчи» - «Пахтакор» 4:1
06.05.2010 «Нефтчи» - «Пахтакор» 3:3
09.09.2009 «Нефтчи» - «Пахтакор» 0:2

Ўзаро ўйинлар ҳақида факт: “Нефтчи” ўз майдонида бўлиб ўтган ўйинларнинг 13тасида муваффақият қозонган. 5та баҳсда ғолиб аниқланмаган. “Пахтакор” Фарғонадан тўрт марта уч очко билан қайта олган холос.

Тахмин: Мурод Исмоилов ўз собиқ жамоасига қарши ўйнайди. Бу учрашувда дуранг қайд этилса керак.

Нарзулла Сайдуллаев.