Превью. "Навбаҳор" - "Сўғдиёна"

«НАВБАҲОР» – «СЎҒДИЁНА»
26 апрель. Косонсой. "Косонсой" стадиони. 16:00
Ҳакамлар: Р.Бобомуродов, О.Жумаев, Р.Самандаров, А.Раҳимов
Назоратчи: В.Валицкий.

“Навбаҳор” ҳамда “Сўғдиёна” клублари олий лигада шу кунгача 36 бор куч синашишган. 19та ўйинда “Навбаҳор”, 12та ўйинда эса “Сўғдиёна” ғалаба қозонган. 5та ўйинда дуранг натижа қайд этилган. “Навбаҳор” ўзаро ўйинларда 64 бор рақиб дарвозасига йўл топа олган. “Сўғдиёна” эса 39  бор гол кирита олган. “Навбаҳор” ўзаро ўйинларда 62 очкони қўлга киритган бўлса, жиззахликлар ҳисобида 41 очко мавжуд. “Сўғдиёна”нинг “Навбаҳор” устидан қозонган энг йирик ғалабаси – 3:1. Наманганликларнинг энг йирик ғалабаси эса 7:0.

Ўтган мавсумда иккала жамоа ўз уйида уч очко олган. “Сўғдиёна” майдонида Ренат Байрамов ва Сардор Қаҳҳоров томонида урилган голлар жиззахликларга уч очко келтирганди – 2:0. Водийдаги учрашувда мезбонлар зафар қучишган – 3:1. Аюбхон Гаппаров (иккита) ва Рўзимбой Аҳмедов майдон эгалари сафида тўп киритишган бўлса “Сўғдиёна”дан Ботиржон Каримжонов гол урган.

“Навбаҳор” майдонида ўтган сўнгги беш учрашув:
29.10.2013 «Навбаҳор» - «Сўғдиёна» 3:1
20.08.2011 «Навбаҳор» - «Сўғдиёна» 2:1
19.09.2009 «Навбаҳор» - «Сўғдиёна» 0:0
18.10.2008 «Навбаҳор» - «Сўғдиёна» 1:1
10.06.2006 «Навбаҳор» - «Сўғдиёна» 1:0

Ўзаро ўйинлар ҳақида факт: “Сўғдиёна” бунги кунга қадар “Навбаҳор” майдонида умуман ғалаба қозона олмаган. Водийда бўлиб ўтган 14та ўйинда “лочинлар” зафар қучишган бўлса, қолган 4та баҳсда дуранг қайд этилган.