Превью. "Навбаҳор" - "Металлург"

«НАВБАҲОР» - «МЕТАЛЛУРГ»
20 март 2015. Наманган. "Марказий" стадиони. 17:00
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Р. Толибжонов (Фарғона)
Назоратчи: И. Мустафин (Тошкент).

“Навбаҳор” ва “Металлург” клублари олий лигада шу кунгача 34 бор куч синашишган. “Навбаҳор” 17та ўйинда ғалаба қозонган. 9та учрашувда “Металлург”нинг қўли баланд келган. Бу жамоалар ўртасидаги ўйинларда 8 марта дуранг қайд этилган. Тўплар нисбатида катта устунлик “Навбаҳор” томонида: 54:34. “Лочинлар” ўзаро ўйинларда 59 очкога эга бўлишган, “Металлург” эса 35 очкони қўлга киритган. “Навбаҳор”нинг “Металлург” устидан қозонган энг йирик ғалабаси 7:0га тенг бўлса, “Металлург”нинг наманганликлар устидан эришган энг йирик ғалабаси – 3:0.

2014 йил биринчи даврадаги баҳсда “Металлург” муваффақият қозонган. Александр Ковалев ва Алишер Зиёвуддиновнинг голлари “Навбаҳор” клубининг мағлубиятини таъминлаган – 2:0. Намангандаги баҳсда мезбонлар 4:2 ҳисобида зафар қучишган. Отабек Валижонов (иккита), Шахбоз Эркинов ва Руслан Качур “лочинлар” сафида, Алишер Зиёвуддинов ва Миртўра Акбаров “Металлург” таркибида тўп киритишган.

“Навбаҳор” майдонида ўтган сўнгги беш учрашув:
27.08.2013 «Навбаҳор» - «Металлург» 4:2
04.07.2013 «Навбаҳор» - «Металлург» 2:1
06.10.2012 «Навбаҳор» - «Металлург» 1:0
05.03.2011 «Навбаҳор» - «Металлург» 1:0
16.10.2010 «Навбаҳор» - «Металлург» 2:0

Ўзаро ўйинлар ҳақида факт: “Навбаҳор” ўз майдонида ушбу рақибга умуман мағлуб бўлмаган. 17та ўйиннинг 15тасида майдон эгалари зафар қучишган. 2та ўйин дуранг билан тугаган. “Металлург” сўнгги бор 2007 йил водийдан мағлубиятга учрамай қайтган.