Превью. «Насаф» - «Нефтчи»

«Насаф» (Қарши) – «Нефтчи» (Фарғона)
5 октябрь. Қарши. “Марказий” стадиони. 17:30
Ҳакамлар: В. Коваленко (Тошкент), Р. Илёсов (Тошкент), М. Саидқосимов (Тошкент), Н. Болтаев (Навоий)
Назоратчи: А. Попов (Тошкент).

“Нефтчи” 15та ўйинда ғалаба қозонган. 10та учрашувда “Насаф”нинг қўли баланд келган. 8та ўйинда дуранг қайд этилган. Тўплар нисбатида устунлик “Нефтчи” томонида: 45:41. “Нефтчи” 53 очкога эга бўлган, “Насаф” эса 38 очкони қўлга киритган. “Нефтчи”нинг “Насаф” устидан қозонган энг йирик ғалабаси 4:0га тенг бўлса, “Насаф”нинг фарғоналиклар устидан эришган энг йирик ғалабаси – 4:1.

Биринчи даврада Фарғонада бўлиб ўтган учрашувда ҳисобни майдон эгалари очишганди. Сардор Мирзаев 12-дақиқада “аждарлар” дарвозасини ишғол қилган. Иккинчи бўлимда эса Артур Геворкян тўп киритиб ўйин дуранг ҳисобида тугашини таъминлаганди – 1:1.

Қаршида ўтган сўнгги беш учрашув:
05.06.2012 «Насаф» - «Нефтчи» 1:2
07.04.2011 «Насаф» - «Нефтчи» 3:0
02.04.2010 «Насаф» - «Нефтчи» 2:0
15.10.2009 «Насаф» - «Нефтчи» 3:1
05.07.2008 «Насаф» - «Нефтчи» 0:1

Ўзаро ўйинлар ҳақида факт: “Насаф” ўз уйида бўлиб ўтган 16та ўйиннинг 9тасида ғалабага эришган. Битта ўйин дуранг билан тугаган. “Нефтчи” 6 марта Қаршидан уч очко билан қайта олган.