Превью. "Насаф" - "Навбаҳор"

«Насаф» (Қарши) – «Навбаҳор» (Наманган)
25 сентябрь 2015. Қарши. "Марказий" стадиони. 18:30
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Д. Жалимов (Нукус)
Назоратчи: И. Мустафин (Тошкент).
ЎзПФЛ вакили: А. Иноятов.

Бу икки клубнинг йўллари олий лига ўйинларида 37 бор кесишган. Устунлик “Насаф” томонида. 19та ўйинда қаршиликларнинг қўли баланд келган бўлса, 10та учрашувда “Навбаҳор” ғолиб бўлган. Саккиз учрашувда ғолиб аниқланмаган. Тўплар нисбати ҳам “Насаф” фойдасига. “Аждарлар” шу кунга қадар ўзаро ўйинларда 58та гол киритиб ўз дарвозаларидан 56 марта тўп олиб чиқишган. Ўзаро ўинларда “Аждарлар” 65 очкони, “Навбаҳор” эса 38 очкони қўлга киритган.

“Навбаҳор” олий лигада “Насаф” устидан 6:0 ҳисобида ғалаба қозонган. Бу ўзаро ўйинлардаги наманганликларнинг энг йирик ғалабаси ҳисобланади. “Насаф”нинг ўзаро ўйинлардаги бу рақиб устидан эришган энг йирик ғалабаси эса 5:0 бўлиб турибди.

Дастлабки даврада ҳисобни “Насаф” ҳимоячиси Мақсуд Каримов очганди. Бунга наманганликлар сўнгги дақиқаларда Мўйдин Мамазулумовнинг голи билан жавоб беришганди – 1:1.

Қаршида ўтган сўнгги беш учрашув:
22.08.2014 «Насаф» - «Навбаҳор» 1:0
23.10.2013 «Насаф» - «Навбаҳор» 5:0
20.05.2012 «Насаф» - «Навбаҳор» 1:1
25.08.2011 «Насаф» - «Навбаҳор» 3:2
19.09.2010 «Насаф» - «Навбаҳор» 1:0

Ўзаро ўйинлар ҳақида факт: “Насаф” олий лигада ўз майдонида 15та ўйинда “Навбаҳор”ни мағлуб этган. Битта учрашувда дуранг қайд этилган. Иккита баҳсда “лочинлар” воҳадан ғалаба билан қайтишган. “Навбаҳор” Қаршида 15 йилдан буён рақибни мағлуб эта олмаяпти.