Превью. "Металлург" - "Сўғдиёна"

«Металлург» (Бекобод) – «Сўғдиёна» (Жиззах)
14 май. Бекобод. “Металлург” стадиони
Ҳакамлар: Д. Пислегин (Тошкент), М. Мажидов (Наманган), Р. Фозилов (Наманган), Д. Досанов (Тошкент)
Назоратчи: В. Валицкий (Тошкент).

“Металлург” ва “Сўғдиён” олий лигада 24 бора тўқнаш келишган. Натижалар “Сўғдиёна”нинг устунлигини кўрсатмоқда.

“Сўғдиёна” ушбу рақибни 10 марта мағлуб этган. 5та ўйинда дуранг қайд этилган. “Металлург” “Сўғдиёна”ни 9 марта талсим қила олган. “Сўғдиёна” ўзаро ўйинларда 34та гол урган, “Металлург” футболчилари 29 марта жиззахликлар дарвозасини ишғол этишган. “Сўғдиёна” ўзаро ўйинларда 35 очкога эга бўлган, “Металлург” ҳисобида 32 очко бор. “Металлург”нинг ўзаро ўйинларда энг йирик ғалабаси 3:1га тенг бўлса, “Сўғдиёна”нинг энг йирик муваффақияти 4:0 бўлиб турибди.

Ўтган мавсум иккала жамоа ўз майдонидаги ўйинларда 2:1 ҳисобида ғалаба қозонишган. Бекободда Ориф Мамажонов меҳмонларни ҳисобда олдинга олиб чиққанди. Шахзодбек Нурматовнинг дубли “Металлург”га иродали ғалабани келтирган – 2:1. Зоминда “Металлург” вакили Суннатилла Мамадалиев ҳисобни очган. Ренат Байрамовнинг дубли “Сўғдиёна”га иродали ғалабани олиб берган – 2:1.  

Бекободда ўтган сўнгги беш учрашув:
20.04.2013  «Металлург» - «Сўғдиёна»  2:1
10.06.2011  «Металлург» - «Сўғдиёна»  3:2
18.05.2009  «Металлург» - «Сўғдиёна»  3:1
19.04.2008  «Металлург» - «Сўғдиёна»  0:0
24.06.2006  «Металлург» - «Сўғдиёна»  1:2

Ўзаро ўйинлар ҳақида факт: Бекободда бўлиб ўтган 12та ўйиннинг 7тасида “Металлург” ғалаба қозонган, 3 марта ғолиб аниқланмаган. “Сўғдиёна” сафарда икки марта уч очкони ўзиники қилган. “Металлург” ўз уйида “Сўғдиёна”га қарши кечган охирги уч ўйинда фақат ғалаба қозонган.