Превью. "Металлург" - "Обод"

«Металлург» (Бекобод) – «Обод» (Тошкент)
16 апрель 2016. Бекобод. "Металлург" стадиони. 16:30
Ҳакамлар: О. Толибжонов (Тошкент), Р. Фозилов (Наманган), М. Мажидов (Наманган), Д. Каримов (Тошкент)
Назоратчи: О. Рубаков (Тошкент).

“Металлург” ва “Обод” клублари биринчи бор олий лигада тўқнаш келишади. “Металлург” клуби дастлабки 4та турдан сўнг 9 очко тўплади. Биринчи турни ўз уйида “Сўғдиёна”га қарши ўтказиб 2:1 ҳисобида зафар қучган Бекобод клуби сўнгра “Машъал” меҳмони бўлиб 3:1 ҳисобида зафар қучди. Учинчи турда “Шўртан”га қарши баҳсда 3:2 ҳисобида ғолиб бўлган жамоа сўнгги турда “Олмалиқ” меҳмони бўлиб 0:2 ҳисобида ютқазиб қўйди.

“Обод” дастлабки турни Қўқонда ўтказиб 0:1 ҳисобида мағлубиятга учради. Иккинчи турни ўз уйида “Бухоро” билан нурсиз дуранг қайд этди – 0:0. Кейин Қаршида “Насаф” билан баҳсда 0:1 ҳисобида имконият бой берилди. Ниҳоят тўртинчи турда Тошкент клуби олий лигада дастлабки голларини уришга эришди. “Қизилқум”га қарши ўйинда 2:2 ҳисоби қайд этилди.

Факт: “Металлург” бу мавсумда ўз уйидаги ўйинларда максимал очко олган. “Обод” бу йил сафардаги баҳсларда умуман гол ура олмаган ва фақат мағлуб бўлган.