Превью. "Металлург" - "Нефтчи"

«МЕТАЛЛУРГ» – «НЕФТЧИ»
3 май. Бекобод. "Металлург" стадиони. 17:00.
Ҳакамлар: О.Толибжонов, Б.Қодиров, А.Қўлдошев, А.Раҳимов
Назоратчи: С.Нажафалиев.
 
“Металлург” ва  “Нефтчи” олий лигада 32 бора тўқнаш келишган. Натижалар водий жамоасининг каттагина устунлигини кўрсатмоқда.

“Нефтчи” 32та ўйиндан 19тасини ютган. 8та баҳсда дуранг қайд этилган. “Металлург” бу рақибни 5 марта мағлуб этган. “Нефтчи” ўзаро ўйинларда 65та гол киритган, бекободликлар 31 бора фарғоналиклар дарвозасини ишғол этишган. “Нефтчи” ўзаро ўйинларда 65 очкони ўз ҳисобига ёзиб қўйган бўлса, “Металлург”да бу кўрсаткич 23ни ташкил этади. Саркисян шогирдларининг ўзаро ўйинлардаги энг йирик ғалабаси 7:1га тенг бўлса, “Металлург”да бу кўрсаткич 3:1га тенг.

Ўтган йил илк ўйин Фарғонада бўлиб ўтганди. Ўша баҳсда Суннатилла Мамадалиев томонидан урилган гол “Металлург”га сафарда ғалаба келтирганди – 0:1. Бекободдаги ўйинда ҳар иккала жамоа ҳам тўп киритишнинг уддасидан чиқмаган – 0:0.

Бекободда бўлиб ўтган сўнгги беш учрашув:
03.11.2013 «Металлург» - «Нефтчи» 0:0
26.06.2012 «Металлург» - «Нефтчи» 1:1
01.11.2011 «Металлург» - «Нефтчи» 0:0
21.08.2010 «Металлург» - «Нефтчи» 2:2
19.08.2009 «Металлург» - «Нефтчи» 0:0

Ўзаро ўйинлар ҳақида факт: “Металлург” мезбонлик қилган ўйинларда “Нефтчи” 5 марта ғалабага эришган. 7 баҳсда дуранг қайд этилган. 4 бора Бекобод клуби ўз уйида зафар қучган. Қизиғи охирги 6та ўйин фақат дуранг натижа билан тугаган.