Превью. "Машъал" - "Олмалиқ"

«МАШЪАЛ» – «ОЛМАЛИҚ»
3 май. Муборак. Баҳром Вафоев номидаги стадион. 17:00
Ҳакамлар: В.Цейтлин, Р.Ильясов, М.Саидқосимов, Н.Болтаев
Назоратчи: И.Нехочин

Бу икки клуб олий лигада 10 бор куч синашишган. Натижалар “Машъал”нинг устунлигини кўрсатмоқда. Муборакликлар 6 ўйнда ғалаба қозонишган, икки учрашув дуранг билан якунланган. “Олмалиқ” 2 бора рақибини мағлуб этган. Тўп киритиш борасида ҳам “Машъал” устун – 13:12 Ўзаро ўйнларда “Машъал” 20 очкони, “Олмалиқ” эса 8 очкони қўлга киритган.

“Машъал”нинг “Олмалиқ” устидан қозонган энг йирик ғалабаси – 2:0. Ўз навбатида “Олмалиқ”нинг ҳам “Машъал” устидан ўзаро ўйинлардаги энг йирик муваффақияти эса 4:0 ни ташкил қилади.

Ўтган мавсумда “Машъал” биринчи лигада ўйнаган. 2012 йилги мавсумда Муборакдаги баҳсда Габит Сапаргалиев ҳамда Самандор Шодмонов “Машъал” сафида, Азамат Исроилов эса “Олмалиқ” сафида гол урган – 2:1. “Олмалиқ” ўз майдонида ушбу мағлубият аламини икки ҳисса қилиб олган. Носир Отақўзиев, Евгений Гоголь, Зоҳир Пиримов ва Зафар Полвонов томонидан урилган голлар Шквирин жамоасига йирик ғалаба келтирган – 4:0.  

Муборакда ўтган сўнгги беш учрашув:
13.04.2012 «Машъал» – «Олмалиқ»  2:1
24.09.2011 «Машъал» – «Олмалиқ»  1:0
20.10.2010 «Машъал» – «Олмалиқ»  1:0
26.09.2009 «Машъал» – «Олмалиқ»  3:2
07.03.2008 «Машъал» – «Олмалиқ»  2:0

Ўзаро ўйинлар ҳақида факт :  “Олмалиқ” шу кунгача олий лигада “Машъал” майдонидан фақат ва фақат мағлуб бўлиб қайтган. Бешта учрашув, бешта мағлубият. Тўплар нисбати – 3:9.