ПРЕВЬЮ. "Локомотив" - "Пахтакор"

«Локомотив» (Тошкент) – «Пахтакор» (Тошкент)
27 апрель 2015. Тошкент. “Локомотив” стадиони. 17:00
Ҳакамлар: Р.Эрматов, А.Расулов, Ж.Саидов, А.Рисқуллаев.
Назоратчи: А.Хотамов.

“Локомотив” ҳамда “Пахтакор” олий лигада 20 бора тўқнаш келишган. Шулардан 14тасида “шерлар” ғолиб бўлишган, 5та ўйинда ғолиб аниқланмаган. “Локомотив” ҳозирга қадар “Пахтакор”ни бир марта мағлуб этган. Тўплар нисбати “Пахтакор” фойдасига 51:16 ни ташкил қилмоқда. Ўзаро ўинларда “Пахтакор” 47, “Локомотив” эса 8 очкони қўлга киритган.

“Пахтакор”нинг “Локомотив” устидан қозонган йирик ғалабаси – 7:1га тенг. “Темирйўлчилар” ягона ғалабаси – 2:1.

Ўтган йил дастлабки даврада “Пахтакор” майдонида бўлиб ўтган баҳсда 2:2 ҳисоби қайд этилганди. Ўша баҳснинг 11-дақиқасида Иван Нагаев ҳисобни очганди. Бунга биринчи бўлимда Александр Мерзляков жавоб берганди. 76-дақиқада Жасур Ҳасанов “Локомотив”ни яна олдинга олиб чиққанди. Асосий вақт тугашига бир дақиқа қолганида Егор Кримец тўп киритиб якуний натижани ўрнатганди – 2:2. “Локомотив” майдонидаги баҳсда Кримец, Миладинович ва Мерзляковнинг голларига “темирйўлчилар” сафида Алишер Шоғуломов жавоб берганди холос – 1:3.

“Локомотив” майдонида ўтган сўнгги беш учрашув:
21.10.2014 «Локомотив» - «Пахтакор» 1:3
04.10.2013 «Локомотив» - «Пахтакор» 0:1
27.04.2012 «Локомотив» - «Пахтакор» 1:1
15.08.2010 «Локомотив» - «Пахтакор» 0:2
30.10.2009 «Локомотив» - «Пахтакор» 2:2

Ўзаро ўйинлар ҳақида факт: “Локомотив” ўз майдонида бўлиб ўтган 10 ўйиннинг ҳеч бирида ғалаба қозона олмаган. Уч марта дуранг ўйнаган. Қолган етти ўйинда “Пахтакор” рақиб майдонидан уч очко билан қайта олган.