Превью. "Локомотив" - "Динамо"

«Локомотив» (Тошкент) – «Динамо» (Самарканд)
26 август 2015. Тошкент. ТТЙМИ стадиони. 19:00
Ҳакамлар: Ш. Қосимов (Тошкент), М. Саидқосимов (Тошкент), А. Цапенко (Тошкент вил.), Р. Лутфулин (Тошкент)
Назоратчи: И. Нехочин (Наманган).

“Локомотив” ва “Динамо” олий лигада 21 бора тўқнаш келишган. Натижалар самарқандликларнинг устунлигини кўрсатмоқда. “Динамо” 10та ўйинда ғолиб бўлган, 3та ўйин дуранг ҳисобида якунланган. “Локомотив” ушбу рақибни ҳозирга қадар 8 марта мағлуб эта олган. Тўплар нисбатида ҳам устунлик “Динамо” томонида - 33:28. Ўзаро ўйинларда “Динамо” 33, “Локомотив” эса 27 очкони қўлга киритган.

“Локомотив”нинг ўзаро ўйинларда қозонган энг йирик ғалабаси – 4:0га тенг. “Динамо”да бу кўрсаткич янада каттароқ – 5:0.

Дастлабки даврада Самарқандда ўтган ўйин тақдирини битта гол ҳал қилган эди. 79-дақиқада Марат Бикмаев гол уриб "темирйўлчилар"га 3 очко келтирган эди - 0:1.

Тошкентда бўлиб ўтган сўнгги беш учрашув:
24.10.2014 «Локомотив» - «Динамо» 1:0
03.05.2013 «Локомотив» - «Динамо» 3:1
03.08.2012 «Локомотив» - «Динамо» 3:1
02.10.2010 «Локомотив» - «Динамо» 2:2
18.08.2009 «Локомотив» - «Динамо» 1:2

Ўзаро ўйинлар ҳақида факт: Тошкентда бўлиб ўтган 10та ўйиннинг 5тасида “темирйўлчилар” зафар қучишган. Тўрт марта “Динамо” сафардан ғалаба билан қайтган. “Локо” майдонида бир бор дуранг қайд этилган. "Темирйўлчилар" ўз уйидаги охирги учта ўйинда уч бор ғалаба қозонган.