Превью. "Динамо" - "Навбаҳор"

«Динамо» (Самарқанд) – «Навбаҳор» (Наманган)
21 июнь. Самарқанд. “Динамо” стадиони. 18:00
Ҳакамлар: О. Толибжонов (Тошкент), О. Абдувасилов (Тошкент), Б. Норсафаров (Қарши), Э. Турсунов (Бухоро)
Назоратчи: Ғ. Каримов (Тошкент).

“Динамо” ва “Навбаҳор” олий лигада 40 бора тўқнаш келишган. Натижалар водий клуби устунлигини кўрсатмоқда. “Лочинлар” 22та ўйинда ғолиб бўлишган, 7та ўйин дуранг ҳисобида якунланган. “Динамо” эса ушбу рақибни ҳозирга қадар 11 марта мағлуб этган. Тўплар нисбатида ҳам устунлик “Навбаҳор” томонида - 75:34. Ўзаро ўйинларда “Навбаҳор” 73, “Динамо” эса 40 очкони қўлга киритган.

“Навбаҳор”нинг ўзаро ўйинларда қозонган энг йирик ғалабаси – 7:1га тенг. “Динамо”да бу кўрсаткич анча кичик – 2:0.

Ўтган мавсумда бўлиб ўтган иккала ўйинда ҳам дуранг қайд этилган. Самарқанддаги баҳсда меҳмонлар вакили Ғайрат Жўраев ҳисобни очганди, бунга Сирожиддин Сайфиев жавоб берганди - 1:1. Иккинчи ўйинда Леонид Кошелев мезбонларни олдинга олиб чиққач, Азамат Бобожонов мувозанатни тиклаганди – 1:1.

Самарқандда бўлиб ўтган сўнгги беш учрашув:
31.05.2013  «Динамо» - «Навбаҳор» 1:1
14.09.2012  «Динамо» - «Навбаҳор» 2:0
02.04.2011  «Динамо» - «Навбаҳор» 0:1
22.05.2010  «Динамо» - «Навбаҳор» 1:0
09.09.2009  «Динамо» - «Навбаҳор» 2:0

Ўзаро ўйинлар ҳақида факт: Самарқандда кечган ўйинларнинг 11тасида майдон эгалари ғалаба қозонишган. 7та учрашувда “лочинлар” сафардан уч очко билан қайтишган. Фақатгина 2 марта бу жамоалар Самарқандда муросага келишган. Охирги 8 йилда “Навбаҳор” Самарқандда бир мартадан ғалаба қозонган ва дуранг ўйнаган, қолган 7 ўйинда таслим бўлган.