ПРЕВЬЮ. "Бухоро" - "Сўғдиёна"

«Бухоро» (Бухоро) – «Сўғдиёна» (Жиззах)
27 август. Бухоро. “Бухоро” стадиони. 19:00
Ҳакамлар: Р. Эрматов (Тошкент), А. Расулов (Тошкент), Д. Cаидов (Тошкент), Д. Досанов (Тошкент)
Назоратчи: А. Абдуллаев (Тошкент).
ПФЛУз вакили: А. Фролов.

Бу икки клубнинг йўллари олий лига ўйинларида 37 бор кесишган. Натижалар тенгликни кўрсатмоқда. Иккала жамоа ҳам 16 мартадан ғалабага эришган. Бешта учрашувда ғолиб аниқланмаган. Тўплар нисбати “Сўғдиёна” фойдасига. Жиззах клуби шу кунга қадар ўзаро ўйинларда 54та гол киритиб ўз дарвозасидан 50 марта тўп олиб чиққаан. Ўзаро ўинларда “Сўғдиёна” ҳам, “Бухоро” ҳам 53 очкони қўлга киритган.

“Бухоро” олий лигада “Сўғдиёна” устидан 4:1 ҳисобида ғалаба қозонган. Бу ўзаро ўйинлардаги бухороликларнинг энг йирик ҳисобидир. “Сўғдиёна”нинг ўзаро ўйинлардаги “Бухоро” устидан эришган энг йирик ғалабаси эса 6:2 бўлиб турибди.

Биринчи давранинг бешинчи турида Зоминда бўлиб ўтган баҳс тақдирини битта гол ҳал қилган. Учрашув тугашига 6 дақиқа қолганида Феруз Бобоқуловнинг мезбонлар дарвозасиига киритган тўпи “Бухоро”га уч очко келтирган – 0:1.

“Бухоро” майдонида ўтган сўнгги беш учрашув:
23.03.2013 «Бухоро» - «Сўғдиёна» 4:1
09.09.2011 «Бухоро» - «Сўғдиёна» 2:1
17.10.2009 «Бухоро» - «Сўғдиёна» 0:0
13.09.2008 «Бухоро» - «Сўғдиёна» 2:3
28.05.2006 «Бухоро» - «Сўғдиёна» 3:0

Ўзаро ўйинлар ҳақида факт: “Бухоро” ўз майдонида 10 марта ғалабага эришган ва 3 марта дуранг ўйнаган. Қолган 5та баҳсда “Сўғдиёна” сафарда муваффақиятга эришган. Охирги уч ўйинда “Сўғдиёна” сафарда ғалаба қозона олмаган.