Превью. "Бунёдкор" - "Қизилқум"

«БУНЁДКОР» – «ҚИЗИЛҚУМ»
15 март. Тошкент. “Пахтакор” стадиони. 17:00
Ҳакамлар: И.Танташев, Б.Қодиров, А.Қўлдошев, Д.Пислегин.
Назоратчи: В.Валицкий.

“Бунёдкор” ва “Қизилқум” олий лигада 14 бора тўқнаш келишган. Ушбу ўйинлардан 11тасида пойтахтликлар ғолиб бўлишган. 2 ўйин дуранг ҳисобида якунланган, “Қизилқум” олий лигада ҳозирга қадар “қалдирғочлар”ни 1 март мағлуб эта олган.

“Бунёдкор” шу кунгача ўзаро ўйинларда “Қизилқум” дарвозасига 36та гол киритган, навоийликлар эса “қалдирғочлар” дарвозасини 8 бор ишғол қилишган. “Олтин изловчилар”  ўзаро ўйинларда 5 очко ишлаб олган бўлишса, “Бунёдкор” 35 очкони қўлга кирита олган. “Бунёдкор”нинг олий лигада “Қизилқум” устидан эришган энг йирик ғалабаси 5:1 ни ташкил қилади. “Қизилқум”нинг ягона ва энг йирик ғалабаси - 1:0.
 
Ўтган йилги баҳсларда “Бунёдкор” икки бор йирик ғалабага эришган. Зарафшонда Қосимов шогирдлари 3:0, Тошкентда 4:0 ҳисобида зафар қучишган. Дастлабки ўйинда Олег Зотеев (икки бор) ва Игорь Таран “Қизилқум” дарвозасини ишғол қилган. Тошкентдаги учрашувда Марко Блажич дублга эришган. Сардор Рашидов ва Игорь Таран ҳисобни йирик кўриниш олишини таъминлашган.

Тошкентда ўтган сўнгги беш учрашув:
29.10.2013 «Бунёдкор» - «Қизилқум» 4:0
17.11.2012 «Бунёдкор» - «Қизилқум» 3:0
09.09.2011 «Бунёдкор» - «Қизилқум» 3:1
23.04.2010 «Бунёдкор» - «Қизилқум» 1:1
06.03.2009 «Бунёдкор» - «Қизилқум» 4:0

Ўзаро ўйинлар ҳақида факт: “Бунёдкор” ўз уйида бўлиб ўтган 7та ўйинда умуман мағлуб бўлмаган. Олти бор “қалдирғочлар” ғалаба қозонишган, фақат бир марта (2010 йил) “Қизилқум” бу рақиб майдонидан бир очко билан қайтган. Охирги икки мавсумда “Қизилқум” сафарда биронта гол ура олмаган.

Тахмин: "Қалдирғочлар" ўз майдонидаги мағлубиятсиз серияни давом эттиришлари эҳтимоли жуда юқори. "Қизилқум" учун бу баҳсдаги дуранг ғалабага тенг бўлади. "Бунёдкор" ғалаба қозонади.

Нарзулла Сайдуллаев.