Превью. «Бунёдкор» – «Нефтчи»

«Бунёдкор» (Тошкент) – «Нефтчи» (Фарғона)
5 март 2016. Тошкент. "Бунёдкор" стадиони. 18:00
Ҳакамлар: Ш. Қосимов (Тошкент), М. Саидқосимов (Тошкент), А. Цапенко (Тошкент вил.), Д. Пислегин (Тошкент)
Назоратчи:  А. Попов (Тошкент).

“Бунёдкор” ва “Нефтчи” олий лигада 18 марта ўзаро ўйнашган. Натижалар “қалдирғочлар”нинг катта устунлигини кўрсатмоқда. “Бунёдкор” бу рақибни 11 марта таслим қилган. “Нефтчи” эса 3 марта “қалдирғочлар”ни очкосиз қолдира олган. 4та ўйинда дуранг қайд этилган. Тўплар нисбатида ҳам табиийки устунлик “Бунёдкор” томонида - 26:9. Ўзаро ўйинларда “Бунёдкор” 37, “Нефтчи” 13 очкога эга бўлган.

“Бунёдкор”нинг ўзаро ўйинларда қозонган энг йирик ғалабаси – 5:0га тенг. “Нефтчи”нинг энг йирик ғалабаси 2:0.

Ўтган йилги ҳар иккала ўйинда ҳам “Нефтчи” ғалаба қозонган. Тошкентдаги учрашувда Рўзимбой Аҳмедовнинг пенальтидан урган ягона голи "Нефтчи"га 3 очко тақдим этганди. Фарғонадаги ўйинда Адриан Кашкавал ва Мурод Бобожонов томонидан урилган голлар мезбонларга ғалаба келтирганди - 2:0.

Тошкентда бўлиб ўтган сўнгги беш учрашув:
02.05.2015 «Бунёдкор» - «Нефтчи» 0:1
05.06.2014 «Бунёдкор» - «Нефтчи» 1:1
26.08.2013 «Бунёдкор» - «Нефтчи» 1:0
18.08.2012 «Бунёдкор» - «Нефтчи» 2:1
15.10.2011 «Бунёдкор» - «Нефтчи» 1:0

Ўзаро ўйинлар ҳақида факт: “Бунёдкор” ўз уйида бу рақибга фақат бир марта (2015 йил) ютқазган. Икки марта Тошкентдаги баҳсда дуранг қайд этилган (2007 ва 2014 йиллар). Қолган 6та ўйинда “қалдирғочлар” ўз майдонларида ғалабага эришишган. “Нефтчи” сафарда бу жамоа дарвозасига 4та гол урган.