Превью. "Андижон" - "Бухоро"

«АНДИЖОН» – «БУХОРО»
Ҳакамлар: Д.Пислегин, Ф.Ҳасанов, Р.Ғофуров, Д.Досанов
Назоратчи: В.Валицкий

“Андижон” ва “Бухоро” олий лигада жами 38 бора тўқнаш келишган. Шулардан 16тасида бухороликлар ғолиб бўлишган, 10 ўйинда андижонликлар ғалабани тантана қилшиган. Ўзаро ўйинларда 12 марта дуранг натижаси қайд этилган. Тўплар нисбати “Бухоро” фойдасига 62:50 ни ташкил қилмоқда. Ўзаро ўинларда “Бухоро” 60 очкони, “Андижон” эса 42 очкони қўлга киритган.

“Андижон”нинг “Бухоро” устидан қозонган йирик ғалабаси – 6:1. Қизиғи “Бухоро”нинг ўзаро ўйинларда “Андижон” устидан энг йирик ғалабаси ҳам 6:1.

2013 йил “бургутлар” олий лигада иштирок этишмаган. Ундан олдинги йилда бу жамоалар ўртасидаги ҳар иккала баҳсда ҳам “Бухоро” ғолиб бўлган. Водийдаги беллашувда Отабек Нарзуллаев ва Нодир Жўраев мезбонларни ранжитишган. Владимир Шишелов томонидан киритилган тўп фақат ҳисобни қисқатирган холос – 1:2. Бухородаги ўйинда Шаҳзод Сулаймонов ва Жасур Ҳасанов гол уриб “Бухоро”нинг ғалабасини таъминлашган – 2:0.

Андижонда ўтган сўнгги беш учрашув:
24.03.2012 «Андижон» – «Бухоро»  1:2
23.10.2011 «Андижон» – «Бухоро»  2:2
07.08.2009 «Андижон» – «Бухоро»  2:1
19.04.2008 «Андижон» – «Бухоро»  2:1
16.09.2007 «Андижон» – «Бухоро»  0:0

Ўзаро ўйинлар ҳақида факт :  “Андижон” мезбонлик қилган ўйинларнинг 9тасида майдон эгалари муваффақият қозонишган. 5та ўйинда ғолибни аниқлашни имкони бўлмаган. Яна 5та учрашувда “Бухоро” водийдан ижобий кайфиятда қайтган.