Превью. "Андижон" - "Машъал"

«Андижон» (Андижон) – «Машъал» (Муборак)
8 май 2016. Андижон. "Соғлом Авлод" стадиони. 17:00
Ҳакамлар: И. Танташев (Бухоро), Р. Нугманов (Тошкент), Ш. Файзиев (Жиззах), Д. Акмалов (Тошкент)
Назоратчи: А. Попов (Тошкент).

Олий лиганинг бу икки клуби ўзаро 28 бор куч синашишган. Натижалар “Машъал”нинг устунлигини кўрсатмоқда. Муборакликлар 17 ўйнида ғалаба қозонишган, 3 учрашув дуранг билан якунланган. “бургутлар” эса бугунга қадар рақибни 8 бор мағлуб эта олишган. Тўп киритиш борасида ҳам устунлик “Машъал” томонида – 43:33. Ўзаро ўйнларда “Машъал” 54, “Андижон” эса 27 очколик бўлган.

“Андижон”нинг “Машъал” устидан қозонган энг йирик ғалабаси – 4:0. “Машъал”нинг ушбу рақиб устидан қозонган энг йирик ғалабаси 6:1га тенг.

Ўтган йил иккинчи турда Муборакда ўтган баҳсда мезбонлар Жамшид Ҳасанов ҳамда Владислав Иванов томонидан урилган голлар эвазига ғалаба қозонишганди – 2:0. Водийда эса Иқбол Бобохонов томонидан урилган гол “бургутлар”га 3 очко келтирганди – 1:0.

Андижонда ўтган сўнгги беш учрашув:
08.08.2015 «Андижон» - «Машъал» 1:0
29.03.2014 «Андижон» - «Машъал» 0:1
19.05.2012 «Андижон» - «Машъал» 4:0
02.04.2011 «Андижон» - «Машъал» 4:0
26.10.2010 «Андижон» - «Машъал» 1:1

Ўзаро ўйинлар ҳақида факт: “Андижон” ўз уйида бу рақибни 7 бор таслим қилган. Икки бор дуранг қайд этилган. 4 марта “Машъал” Андижондан уч очко билан қайтган.