Премьер-лига юлдузлари Европанинг бошқа лигалари юлдузлари билан ўйнаши мумкин

Англия Премьер-лигасининг 11 юлдузи Европанинг бошқа топ-лигалари, масалан, Испания Ла Лигаси, Италия А Серияси, Германия Бундеслигаси ва Франция биринчи дивизиони юлдузларидан тузилган жамоалар билан юлдузлар ўйинида тўқнаш келиши мумкин. 

Юлдузлар баҳсига глобал аудиториянинг қизиқишини ошириш мақсадида бутун дунё бўйлаб лигалар орасида худди шундай қизиқарли ўйинларни ўтказиш концепцияси таклиф қилинди. 

Юлдузлар ўйини ғояси "Челси" эгаларидан бири, миллиардер Тодд Боэли томонидан илгари сурилган. Унинг американча форматдаги Англия жамоаларининг юлдузларидан ташкил топган Шимол ва Жануб ўйинини ташкил этиш таклифи жиддий танқидларга учраган эди.