Latest news

22:04Камолиддин Тожиев Бахтиёр Ашурматов ва Миржалол Қосимов қаторидан жой олиши мумкин  0 21:32ЎФА Рўзиқул Бердиев бўйича суриштирув ўтказади  23 21:16Игорь Сергеев: "Финалдан олдин кўп гапириб юбориш яхши эмас"  2 20:48Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди  19 20:28Марказий учрашув қаҳрамони бўлган дарвозабон, дублга эришган 18 ёшли футболчи, олис масофадан дарвозани ишғол этган вингер — Суперлигада 26-турнинг энг яхшилари  0 20:02Пўлатов, Ахроров, Каримов, Кенжабоев, Кривокапич... Суперлига 26-тур рамзий терма жамоаси  0 19:54"Бухоро"нинг Ўзбекистон Кубоги финалидан олдинги расмий машғулотидан ГАЛЕРЕЯ  0 19:48Фарҳод Нишонов: "Насиб қилса, Суперлигага чиқамиз"  1 19:40Камолиддин Тожиев: "Менсимаслик бўлиши мумкин эмас. Жаҳонгир ака сафарга кетганлар, эртага финалга етиб келар эканлар"  9 19:35Артём Петросян: "Мағлубиятга лойиқ эмасдик"  0 19:20Ўзбекистон U-15 терма жамоаси Корея билан ўртоқлик учрашувларида қатнашади  2 19:08Александр Хомяков: "Маҳорат етмаса, иштиёқ ва хоҳиш асосий ролга чиқади. Ғалаба қозониш ҳеч қачон жонга тегмайди"  14 18:54Про лига. "Олимпик-MobiUz" "Олимпик"ни ишончли ҳисобда енгди  0 18:42"Андижон"нинг собиқ мураббийи жамоа ўтган йили Ўзбекистон кубоги финалига қандай тайёргарлик кўрганини айтди  2 18:22"Нефтчи" чемпион бўлса, қаҳрамонларни ташқаридан излаш лозим  33

Предраг Роган: "Динамо" Суперлигада “жон сақлаб” қолиш учун курашмайди" News

Предраг Роган: "Динамо" Суперлигада “жон сақлаб” қолиш учун курашмайди"

Ўзбекистон Coca Cola кубоги гуруҳ босқичи, 2-туридан ўрин олган “Навбаҳор” – “Динамо” (1:0) учрашувидан кейинги матбуот анжуманида "Динамо" устози Предраг Роган қатнашди.

Қуйида сербиялик мутахассиснинг ўйин ҳақидаги фикрлари билан танишасиз.

- Аввало бугунги ғалаба билан “Навбаҳор”ни табриклайман. Мезбонлар ҳақиқатанам ажойиб ўйин намойиш этишди ва ҳақли тарзда зафар қучишди. Биз эса гарчи рақибга муносиб қаршилик кўрсатишга интилган бўлсакда, бунинг уддасидан чиқа олмадик ҳамда мағлубиятга учрадик. Аммо ушбу баҳсда жамоамиз таркибидан кўплаб ёш футболчилар ўрин олишгани ва уларга бироз тажриба етишмаганлигини ҳам таъкидлаш жоиз.

Учрашувнинг 1-бўлими “Навбаҳор” устунлигида ўтди. Ўз дарвозамиздан тўп ўтказиб юборганимиздан кейингина йигитлар яхши ўйнашга интилишди. Таъкидлаганимдек, таркибимиздан кўплаб ёш футболчилар ўрин олишган. Улар орасида ҳаттоки, 2000 ва ундан юқори йилларда туғилган футболчилар ҳам бор. Уларга эса бироз тажриба керак. Аммо майдонда, менимча, ёшнинг фарқи бўлмаслиги керак.

Жорий мавсум арафасида Туркияда ўқув-машғулот йиғини олиб бордик ва мазкур йиғин доирасида бир қатор ўртоқлик учрашувлари олиб бориб, уларнинг айримларида ижобий натижаларни қайд этдик. Бироқ ўртоқлик ўйинлари билан Суперлига баҳслари ўртасида катта фарқ бор. Футболчилар майдонда қўрқмай, тўп тепишлари керак. Шогирдларим олдинги, яъни, “Пахтакор”, “Сўғдиёна” ва “Қизилқум” жамоаларига қарши кечган ўйинларда рақибга муносиб қаршилик кўрсата олишди. Лекин натижа шунга яраша бўлмади. Шунингдек, йигитлар бугун ҳам рақибга қаршилик кўрсатишга интилишди. Аммо “Навбаҳор” ҳам кучли ва яхши жамоа.

Жорий мавсумда Суперлигада “жон сақлаб” қолиш учун эмас, балки, юқорироқ ўринларни эгаллаш учун кураш олиб борамиз. Таркибимиздан 20 нафар янги футболчи ўрин олган ва жамоамиз юз фоиз янгиланган десак бўлаверади. Футболчилар майдонда ўзаро бир-бирларини тушунишлари, сифатли ўйин намойиш этишлари учун ҳали кўп меҳнат қилишимиз зарур.

Бугунги баҳсда асосий таркибнинг 5-6 нафар футболчиси айрим сабабларга кўра, майдонга тушишмади. Улар орасида Абдужамол Исроилов ҳам бор ва унинг дискваликафияси тезроқ якунланиб, сафимизга қайтишини кутяпмиз", - деди Роган.




Rating: -3   

Comments

championat.asia
< show latest news
Яндекс.Метрика