Португалия футзал термаси аъзоси Тиаго Брито: "Спортда ҳар доим ҳам кўпроқ ҳужум уюштирганлар ғалаба қозонавермайди"

Терма жамоа мусобақанинг 1/8 финалида Қозоғистонга 1:2 ҳисобида имкониятни бой бериб, мусобақани тарк этди. Ўйиндан сўнг Тиаго Брито португалияликлар бундан афсусда эканини таъкидлади.

"Бу даҳшатли туйғу. Спортда ҳар доим ҳам кўпроқ ҳужум уюштирганлар ғалаба қозонавермайди ва бугунги баҳс бунинг исботи бўлди.

Умуман олганда, биз яхши ўйин ўтказдик, ўйин назоратини қўлга олдик. Лекин асосийси олдинга қўйилган мақсад ва бу борада Қозоғистон биздан кўра муносиброқ экан. Ҳозир қўлимдан келадигани уларни табриклаш. Содир бўлган воқеалар ҳақида кўп гапириш қийин, чунки гап ёмон ўйин ёки вазиятларнинг етишмаслигида эмасди. Ўйлайманки, финишда камчиликларга йўл қўйдик, бу футзалнинг энг муҳим кўрсаткичларидан бири.

Терма жамоанинг йўли шу ерда тугамайди. Бу бир неча йиллардан бери давом этаётган ва келажакда ҳам давом этадиган саёҳат. Юқори ўринни банд эта олмаганимиздан афсусдамиз, бироқ биз Португалия шарафини муносиб ҳимоя қилишга уриндик. Биз майдонда ҳар доим, ҳар бир ўйинда бор кучимизни бердик", – деди 33 ёшли футзалчи.