Погбанинг жароҳати қанчалик жиддийлиги маълум
27 oct 11:43
News

Погбанинг жароҳати қанчалик жиддийлиги маълум

"Монако" бош мураббийи Себастьен Поконьолли жароҳатдаги Поль Погбанинг аҳволи ҳақида маълумот берди.

Мураббийнинг сўзларига кўра, футболчи қўшимча тиббий текширувдан ўтади.

"Биз унинг келаси ҳафтада қўшимча текширувлардан ўтишини кутмоқдамиз. Унда ўрта даражада зўриқиш бор — ҳозирча бошқа маълумот йўқ", – деди Поконьолли "RMC Sport"га берган интервьюсида.

Погба 4 ноябрь, сешанба куни Норвегиянинг "Будё Глимт" жамоасига қарши Чемпионлар Лигаси ўйинида аниқ ўйнамайди. Унинг қайтиш муддати номаълумлигича қолмоқда.

Поль Погба 2025 йилнинг ёзида, антидопинг қоидаларини бузгани учун дисквалификация муддати тугаганидан кўп ўтмай, "Монако" билан шартнома имзолаганди. Ушбу трансфер шов-шувли бўлишига қарамай, ярим ҳимоячи ҳали янги жамоаси учун бирорта ҳам расмий ўйин ўтказмади. Унинг "Монако" билан битими 2026/27 йилги мавсум охиригача амал қилади.

Link :

Source : RMC Sport

Receive latest football news directly on your phone. Subscribe for our Telegram channel!

Rating: