Погба "Ювентус"га қайтади

25 ёшли хавбек манкунианлар устози Жозе Моуриньо билан бузилган муносабатлар туфайли Турин клубига қайтмоқчи. "Ювентус" ва "Манчестер Юнайтед" Чемпионлар лигаси қуръасида бир гуруҳдан жой олди.

Эслатиб ўтамиз, Погба 2016 йил 105 млн евро эвазига "Ювентус"дан "Манчестер Юнайтед"га ўтган эди.

Франциялик жорий мавсум Англия Премьер-лигасининг 3та учрашувида майдонга тушиб, 2та гол урди. Погба Франция терма жамоаси сафида ёзда ўтказилган жаҳон чемпионати ғолибига айланди.

3та турдан сўнг "Манчестер Юнайтед" АПЛ турнир жадвалида 3 очко билан 13-ўринни эгаллаб турибди.