Погба: “Сити”нинг кўз ўнгимизда чемпионликни нишонлашига йўл қўйиб бўлмасди”

“0:2 ҳисобида имкониятни бой бераётганимизда биз гол уришимиз керак эди. Чунки “Сити” ҳужум қилишни яхши кўради. Биз эса уларнинг жарима майдончаси ичида кўпроқ хавф уюштиришимих лозим эди. Мени Матич ва Эррера майдонда қўллаб қўвватлаб туришди. 

Иккита гол урганимдан хурсандман. Шу голлардан кейин ўзимизга бўлган ишонч қайтди. “Эттихад”да ютқазишимизни истамагандим. Бу жамоага ўтган йили учралган мағлубиятни ҳалигача ўйлаб юраман. Агар улар ғолиб чиққанда чемпионликни расмийлаштиришар, бу эса бизнинг фанатлар учун ўта ёқимсиз ҳолат эди. Биз ютқазиб қўйсак, уларнинг байрам қилишаётганини томоша қилишга маҳкум бшлардик. Танаффусда йўқотадиган ҳеч нарсамиз қолмаганини, шу боис уларнинг бизнинг кўз ўнгимизда байрамни нишонлашларига қўйиб бермасликка аҳд қилдик. 

Бугунгидек иккинчи бўлимдан кейин биз ҳар доим шундай ҳаракат қилишимизни истайман. Агар биз мунтазам равишда шундай футбол намойиш этганимизда, ҳозир “Сити” билан бир қаторда, балки улардан ҳам юқорида бўлардик”, дейди футболси ВВСга берган интервьюсида.