Погба "Реал"нинг режаларига кирмайди. Клубнинг устувор мақсадлари бошқа
09 oct 2020 20:00
News

Погба "Реал"нинг режаларига кирмайди. Клубнинг устувор мақсадлари бошқа

Мадрининг "Реал" клуби "Манчестер Юнайтед" ярим ҳимоячиси Поль Погбани сотиб олмоқчи эмас.

As хабарида таъкидланишича, "Реал" франциялик футболчининг трансферидан бутунлай воз кечган, раҳбариятнинг фикри қатъий. Погба яқинда берган интервьюларидан бирида Мадрид жамоасини "ҳар қандай футболчининг орзусидаги клуб" деб атаган ва шундан кейин унинг атрофида миш-мишлар болалаган эди. Маълум бўлишича, хавбек йилига 15 млн евро ишлаб топади, "қироллик клуби" унга бунча маблағ тўлашга тайёр эмас.

"Реал" трансфер режаларининг юқори қисмида "Ренн" ярим ҳимоячиси Эдуардо Камавинга туради. Клуб уни 2021 йилда харид қилмоқчи. 2022 йилда Мадридга "Боруссия" форварди Эрлинг Холандни олиб келиш режалаштирилган. Боиси шундаки, жамоанинг асосий ҳужумчиси Карим Бензема билан имзолаган шартнома 2022 йилда ниҳоясига етади.

Шунингдек, "Реал" раҳбарияти ПСЖ ҳужумчиси Килиан Мбаппе вариантига ҳам бефарқ эмас.

Link :

Source : As

Receive latest football news directly on your phone. Subscribe for our Telegram channel!

Rating: +4