Погба ҳар ҳафтада соч турмагини ўзгартирмоқда. Ваҳима қилманг

У жуда кўп халққа кўриниш беради, Инстаграмга жуда кўп расмлар қўяди. Рекламаларда жуда кўп ўзини кўз-кўз қилади. Бироқ у сочи учун жуда кўп пул ва вақт кетказади. Хўш, нима учун шундай,

Ҳаммаси оддий: йигитча ўз имижи ва ташқи кўринишига қаттиқ эътибор беради. Ўтган йили бир журналда "Погбанинг 2017 йилдаги энг яхши соч турмаклари" номли расмлар коллекцияси тақдим этилганди. "The Sun" унинг бошидаги турмакни ҳар доим танқид қилади, "Quara" фойдаланувчиларига эса францияликнинг турмаклари жуда ёқади.

МЮнинг энг қиммат футболчиси футболнинг сартарошлигини янги даражага олиб чиқди. Агарда унинг сочини Девид Бекхэмники билан солиштирсак, Погбанинг сочи ажралиб туради. Бекхэм ҳар доим оддийроқ услубни танларди.

Биринчидан, Погбанинг сочлари жуда мустаҳкам ва соғлом. Соч бемалол барча услубларга мос тушади, шунингдек, рассомчилик ишларида ҳам, умуман олганда барча дизайнли сартарошлик намуналарини синовдан ўтказиш учун жуда қулай.

Полга бўлган машҳур эътироз шундай бўлганди: "У футбол эмас, соч ҳақида ўйлайди". Бу бемаънилик - рекламада у ғурурини чексиз қилиб кўрсатади, ҳаттоки, рекламалар учун жуда кўп вақт сарфлайди. Ундан ташқари, сартарош учун ҳам жуда катта маблағ тўлайди ва деярли ҳар ҳафтада имижини ўзгартиради. Албатта, танага татуировка чиздиргандан сочга ранг бериш бироз осонроқ.

Айтгандай, унинг сочини Аҳмад ал-Санави исмли сартарош турмаклайди. У ўз касби бўйича дунёнинг энг яхшиларидан бири.

Аҳмад - узоқ йиллардан буён "Челси"нинг мухлиси. Аввалига у севимли клубининг ёш футболчилари, кейинчалик Жон Терри, Гарри Кехилл ва клубнинг яна бир неча футболчилари билан ишлади. Уни "Челси" футболчилари қаттиқ ҳурмат қилишади. Ал-Санавига "Челси"нинг эшиклари ҳар доим очиқ эди, футболчилар эса унинг олдига борганида катта совғалар олиб боришади.

2017 йилнинг октябрь ойида "Daily Mail" нашри Аҳмад ҳақида катта мақола чиқарди. Унда фақатгина матн эмас, катта фотожамланма ҳам бор эди. Ал-Санави ўриндиқда Фабрегас, Менди, Зума, Кабай, Кантелар билан ўтиргани акс этди.

Унинг энг асосий мижозлари - Эден Азар ва Поль Погба. 

"Эденга ҳар доим соч турмаги борасида маълумотлар бераман, у эса менга футбол борасида маслаҳатлар беради. Бу эса менга лигада ўйнашимга ёрдам беради. Чунки у билан бир ҳил амплуада ўйнаймиз"

Погба - ёш йигит: унинг ўзи ал-Санавига ғоялар таклиф этади. Бу эса кейинчалик Погбанинг бошида акс этади.

"У билан ишлаётганимда ҳеч қачон қўрқмайман, барча ҳаёлим иш ҳақида бўлади. Кейинчалик унинг сочини телевизорда кўрсам: "Вау, унинг сочини мен шундай қилганман", - деб ўйлайман.

2017 йилнинг ноябрь ойида Аҳмад учун ёқимсиз ҳолат бўлди - у ўйин куни футболчиларнинг ишончини суиистеъмол қилиб, "Челси" қароргоҳига борган ва у ерда клубнинг ишчиси каби бўлиб, футболчиларнинг олдига борган, расмга тушган ва шу орқали "Челси" стадионидан расман қувилган. Лондон клуби раҳбарияти унинг "Стэмфорд"га киришини тақиқлаб қўйган.

Аслида бу мақола фақатгина Погба эмас, умуман олганда футболдаги сартарошлик ҳақида. Балким Аҳмад туфайли, ёки сочини ўзгартиравериши сабабли Погбанинг ўйинларида пасайиш кузатилаётгандир. Бироқ сочни, имижни, ташқи кўринишни ўзгартириш футболчига ҳеч қачон халақит қилмайди. Бироқ Погба қайси жамоа либосини кийиб майдонга тушаётганини унутмаслиги керак.

Миржалол Норматов таржима қилди