Подольски ёзда Япония клубига ўтади
02 mar 2017 15:49
News

Подольски ёзда Япония клубига ўтади

"Галатасарой" ҳужумчиси Лукаш Подольски фаолиятини Японияда давом эттиради.

Футболчи бу ҳақда "Инстаграм"да маълум қилди ва "Виссел Кобе"га ўтиши аниқ бўлди.

"Мавсум якунланганидан сўнг Жей-лиганинг "Виссел Кобе" клубига ўтаман. Бу "Галатасарой"га қарши қабул қилинган қарор эмас, бу шунчаки мен учун янги чақирув. Вақти келганда аниқроқ маълумот бераман. Ҳозир бор эътиборим "Галатасарой"га қаратилган" - деб ёзади Подольски.

Турк матбуоти тарқатган маълумотларга кўра, "Галатасарой" Подольскини 2,6 млн. евро эвазига сотиш устида ишлаяпти. Немис футболчисининг Туркия клуби билан шартномаси 2018 йилнинг ёзида якунига етади.

Лукаш Подольски жорий мавсумда "Галатасарой" сафида 21 та учрашувда майдонга тушиб, 14 та гол урди ва 6 та голли пас берди.

Link :

Source : championat.com

Receive latest football news directly on your phone. Subscribe for our Telegram channel!

Rating: +4