Почеттино Мессини ПСЖда кўрмоқчи
26 dec 2020 11:24
News

Почеттино Мессини ПСЖда кўрмоқчи

Тез орада ПСЖни қабул қилиб оладиган Маурисио Почеттино парижликлар таркибида "Барселона" ҳужумчиси Лионель Мессини кўрмоқчи.

Аргентиналик мутахассисни ПСЖга жалб қилишнинг сабабларидан бири 33 ёшли форвардни клубга олиб келишдир. Месси каби Почеттино ҳам футболчилик фаолиятини "Ньюэллс Олд Бойз"да бошлаган. Бу уларни бир-бирига боғлаб туради.

Мураббий аргентиналик футболчи билан ишлаб кўришни жуда ҳам хоҳламоқда. Шу билан бирга ПСЖдан Мессининг бир неча дўст (масалан, Неймар)лари ўйнамоқда. Бу ҳам футболчининг танловига таъсир кўрсатиши мумкин.

Мессининг "Барселона" билан тузган шартномаси 2021 йилнинг ёзига қадар мўлжалланган. Форвард ҳали Каталония клуби билан янги битим борасида муҳокамаларни бошламади, у январда ташкил этиладиган президент сайловларига қадар кутмоқчи.

Месси жорий мавсум Ла Лига доирасидаги 14та ўйинда майдонга тушиб, 7та гол ва 1та ассист қайд этди.

Link :

Source : leparisien.fr

Receive latest football news directly on your phone. Subscribe for our Telegram channel!

Rating: +5