Почеттино: “Алдервейрелд “Тоттенҳэм”га содиқ

Белгиялик футболчининг “шпорлар” билан тузган битими 2019 йилга қадар амалда бўлади ва футболчининг маоши ҳафтасига 50 минг еврони ташкил этади.

Илгарироқ футболчининг агенти баёнот бериб, 28 ёшли футболчи “тўғри шартнома тузилиши ёки трансфер қилинишга лойиқ” дея баёнот берганди.

“Сўнгги бир неча кунда футболчининг атрофида кўплаб миш-мишлар урчигани бор гап. Тоби билан бугун эрталаб офисда гаплашиб олдик ва у жамоада бахтли. У клубга содиқ. Тоби 2+1 шаклидаги шартномасидан кўнгли тўқ”, дея Почеттинонинг сўзларидан иқтибос келтирмоқда talkSPORT нашри.